၂၅-၆-၂၀၂၅ ရက်နေ့ နံနက် (၁၀:၃၀) အချိန်တွင် ဓနုဖြူမြို့နယ် ၃ရပ်ကွက်ရှိ ရွှေလင်းယုန် နေကြာဆီစက် လုပ်ငန်းအား ဓနုဖြူမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ တာဝန်ရှိသူများက ဆီစက်လုပ်ငန်း ဖွံ့ဖြိုးတိုးတက်ရေးနှင့် ထုတ်ကုန်လုံခြုံစိတ်ချရမှု ရှိစေရေး ကွင်းဆင်း စစ်ဆေးဆောင်ရွက်ခဲ့ကြသည်။
စစ်ဆေးဆောင်ရွက်ရာတွင် ဦးဝင်းမင်းစိုး မြို့နယ်ဦးစီးမှူးက ဆီစက်လုပ်ငန်းရှင်နှင့် တွေ့ဆုံ၍ လုပ်ငန်း လိုင်စင်ရှိ/မရှိ၊ ဆီစက်များ အမှန်တကယ်လည်ပတ်ခြင်းရှိ/မရှိ၊ စျေးနှုန်းစျေးကွက်တို့အား မေးမြန်းဆွေးနွေးခြင်း၊ စားသုံးနေကြာဆီ ထုတ်လုပ်ရောင်းချရာတွင် ကုန်ကြမ်းမှကုန်ချောသို့ ရောက်ရှိပုံအဆင့်ဆင့် အခြေအနေ များ၊ ထုတ်လုပ်သည့် စားသုံးဆီများ စျေးကွက်သို့ရောင်းချရာတွင် သတ်မှတ်ထားသော ကုန်အညွှန်းအမှတ်အသားများ ဖော်ပြထားရှိမှုနှင့် ကုန်စည်အပေါ် အာမခံချက်ပေးထားခြင်းများအတွက် ဆွေးနွေးခဲ့ပြီးနောက် ဆီထုတ်လုပ်နေမှုနှင့် ထုတ်ပိုးနေမှုများအား ကြည့်ရှုစစ်ဆေးခဲ့ပါသည်။ ဆီစက်မှ တစ်နေ့ကို နေကြာတစ်နာရီကိုတင်း(၄)ကြိတ်ခွဲ နေပြီး မီးအားကောင်းပါက တစ်နာရီ (၆)တင်းကြိတ်ခွဲနိုင်ကြောင်း ထွက်ရှိသောနေကြာဆီများကို ဖြန့်ဖြူးရောင်းချမှုကို မေးမြန်းခဲ့ပြီး စားသုံးသူပြည်သူများ လူတန်းစားမရွေး စားသုံးနိုင်ရန် နေကြာဆီများကို (၁)ပိဿာလျှင် ယနေ့ မေလ စတုတ္ထပါတ်ရောင်းဈေး ငွေကျပ်(၁၈၀၀၀)ဖြင့် ရောင်းချပေးလျက်ရှိကြောင်း သိရှိရပါသည်။
DOCA(ဧရာဝတီ)