မအူပင်ခရိုင်၊ စားသုံးသူရေးရာဦးစီးဌာန၊ စားသုံးသူရေးရာကော်မတီအစည်းအဝေး ၁/၂၀၂၅ ကို ၂၇.၅.၂၀၂၅ ရက်နေ့ ၊နံနက် ၉:၃၀ နာရီအချိန်တွင် အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့ရာ မအူပင်ခရိုင် ၊စားသုံးသူရေးရာကော်မတီ ဥက္ကဌ နှင့် ကော်မတီအဖွဲ့ဝင်များ တက်ရောက်၍ စားသုံးသူကာကွယ်ရေးဆိုင်ရာ ကိစ္စရပ်များ ဆွေးနွေးခဲ့ကြောင်း သိရသည်။
အစည်းအဝေးတွင် မအူပင်ခရိုင်စားသုံးသူရေးရာကော်မတီ ဥက္ကဌ ဦးမြင့်နိုင်က အဖွင့်အမှာ စကားပြောကြားရာတွင် စားသုံးသူတွေရဲ့နစ်နာမှု လိုအပ်ချက်၊ ကာကွယ်ရေးဥပဒေဆိုင်ရာအချက်အလက် သိရှိရန်လိုအပ်ပြီး၊ လုပ်ငန်းရှင်အပေါ်မှာလည်း ကာကွယ်ပေးနိုင်ဖို့လိူအပ်ကြောင်း၊ စားသုံးသူနှင့် လုပ်ငန်းရှင်အကြား မပြေလည်မှုတွေရှိလာခဲ့ရင် တိုင်ကြားရမည့်အဖွဲ့၊ စစ်ဆေးရမည့် အဖွဲ့ရှိမှ အဆင်ပြေနိုင်မည်ဖြစ်ကြောင်း၊ ဈေးကွက်အတွင်းမှာ စုံစမ်းဖို့ စစ်ဆေးရေးအရာရှိတွေခန့်အပ်ထားပြီး ဈေးကွက်အတွင်းအလေးထား စစ်ဆေးနိုင်ရန်လိုအပ်ကြောင်း၊ ဈေးကွက်အတွင်းရောင်းချနေသော ကုန်စည်များကို စစ်ဆေးဖို့လိုအပ်သလို ကာကွယ်စောင့်ရှောက်ရမည့် တာဝန်လည်းရှိကြောင်း၊ တင်ပြလာမှုအပေါ်ညှိနှိုင်း ဆောင်ရွက်ဖို့တာဝန်ရှိကြောင်း ထို့ကြောင့် စားသုံးသူရေးရာကော်မတီအဖွဲ့၏ လုပ်ငန်းရှင်သန်လည်ပတ်ရန်လိုအပ်ပြီး လုပ်ငန်းညှိနှိုင်းဆွေးနွေးချက်များ၊ ဆုံးဖြတ်ချက်များ ရှင်သန်နေဖို့လိုအပ်ကြောင်း၊ သက်ဆိုင်ရာအဖွဲ့ဝင်များမှ တင်ပြဆွေးနွေးကြရန် ဆွေးနွေးခဲ့သည်။
ဆက်လက်၍ စားသုံးသူရေးရာကော်မတီမတွင်းရေးမှူး ဦးဇော်မင်းမှ ဆွေးနွေးရာ အမှာစာ ၅ခုပါ အချက်အလက်များဖြစ်သော စားသုံးသူရေးရာကော်မတီအဖွဲ့ ဖွဲ့စည်းတာဝန်ပေးအပ်မှု၊ ဧပြီနှင့် မေလအတွင်း စားသုံးသူကာကွယ်ရေးလုပ်ငန်းများ ဆောင်ရွက်ပြီးစီးမှုအပေါ်မူတည်၍ တင်ပြရန်၊ အွန်လိုင်းရောင်းဝယ်မှုလုပ်ငန်း မြေပြင် စစ်ဆေးဆောင်ရွက်မှုအခြေအနေများ မှတ်တမ်းတင်ထားရန်၊ ငွေကြေးအွန်လိုင်းလိမ်လည်မှု တိုင်ကြားစာကိစ္စရပ်များ၊ စားသုံးသူများ ကုန်စာ်နှင့် ဝန်ဆောင်မှုကို ဘေးအန္တရာယ်ကင်းရှင်းစွာ အသုံးပြုခွင့်ရရှိရန်၊ ထုတ်ကုန်လုံခြုံစိတ်ချရမှုဆိုင်ရာ လုပ်ငန်းများ ဧပြီ၊မေ ဆောင်ရွက်နိုင်မှုအခြေအနေများကို တင်ပြဆွေးနွေးခဲ့သည်။
ဆက်လက်၍ ပြည်သူကျန်းမာရေးဦးစီးဌာနမှ ဒေါက်တာစိုးသက်က တင်ပြဆွေးနွေးရာ စားသုံးသူအခွင့်အရေးကာကွယ်ဖို့ဆိုလျှင် အဓိကကတော့ စစ်ဆေးရေးမှူးတွေလုပ်ငန်းဆောင်ရွက်မှုက အဓိကကျကြောင်း၊ ကုန်စည်အရည်အသွေးတွေနဲ့ ပြည်မှီတဲ့ ပစ္စည်းဖြစ်ဖို့အတွက် စစ်ဆေးဖို့အရေးကြီးကြောင်း ၊ ဈေးကွက်အတွင်းလုပ်ငန်းရှင်တွေကပါ တာဝန်ရှိကြောင်း၊ တင်ပြဆွေးနွေးခဲ့သည်။
ဆက်လက်၍ နိဂုံးအနေဖြင့် ဈေးကွက်အတွင်း နေ့စဉ်စစ်ဆေးဆောင်ရွက်ရန်၊ အသိပညာပေးရန်၊ လုပ်ငန်းရှင်များကို အသိပညာပေးရန်၊ လိုက်နာဆောင်ရွက်ခြင်းရှိ/မရှိ စောင့်ကြည့်ဖို့လိုအပ်ကြောင်း မှာကြားဆွေးနွေးခဲ့ပြီး အတွင်းရေးမှူးက ယနေ့ဆွေးနွေးမှု လုပ်ငန်းစဉ် အကျယ်တဝင့်ကို စားသုံးသူရေးရာကော်မတီသို့ တင်ပြပြီး တက်ရောက်သူအဖွဲ့ဝင်များထံ အစည်းအဝေးဆုံးဖြတ်ချက်များဖြန့်ဖြူးပေးသွားမည်ဖြစ်ပြီး ဝန်ထမ်းများ အားနည်းနေသေးသဖြင့် တာဝန်ပေးအပ်မှု အားနည်းနေသေးကြောင်း အတွေ့အကြုံနဲ့ စစ်ဆေးမှု အားနည်းနေ၍ ထိရောက်တဲ့ စစ်ဆေးမှု ပိုမိုလုပ်ဆောင်ရမညဖြစ်ကြောင်း ဆောင်ရွက်မည့် အခြေအနေများကို ရှင်းလင်းတင်ပြကာ တက်ရောက်လာသော ကော်မတီဝင်များက ဖြည့်စွက်အကြံပြုဆွေးနွေးခဲ့ကြပြီး ဆွေးနွေးတင်ပြချက်များအပေါ် ကော်မတီဥက္ကဌက လိုအပ်သည် များကို လမ်းညွှန်မှာကြားခဲ့ကြောင်း သိရှိရပါသည်။
အခမ်းအနားတွင် မအူပင်စားသုံးသူရေးရာကော်မတီ ဥက္ကဌပါ ကော်မတီအဖွဲ့ဝင် (၅) ဦး နှင့် စားသုံးသူရေးရာဦးစီးဌာနမှ ဝန်ထမ်း (၅) ဦး စုစုပေါင်း (၁၀) ဦးတက်ရောက်ခဲ့ကြောင်း သိရသည်။
DOCA(ဧရာဝတီ)