မအူပင်ခရိုင်၊ မိုင်(၃၀)၊ရန်ကုန်-ပုသိမ်လမ်း၊ ဆားမလောက်၊သခွပ်ချောင်း ကျေးရွာ၊ ညောင်တုန်းမြို့နယ်ရှိ Hla Mon Trading Co.,Ltd Myanmar White Broken Rice A 1,2 (Sortexed) 260MT ကုမ္ပဏီ၏ ဆန်/စပါးဝယ်ယူကြိတ်ခွဲ သိုလှောင်ထားရှိမှု လုပ်ငန်းမှ ဆန်များ ပြည်ပတင်ပို့နိုင်ရေးအတွက် မြို့နယ်စားသုံးသူရေးရာဦးစီးဌာနနှင့် MITSအဖွဲ့ တို့ပူးပေါင်း၍ ၂၀၂၅ခုနှစ် မေလ ၃၀ ရက်နေ့က ကွင်းဆင်းစစ်ဆေး ဆောင်ရွက်ခဲ့ကြောင်း သိရသည်။
ကွင်းဆင်းစစ်ဆေးရာတွင် ဒေသတွင်း စိုက်ပျိုးထွက်ရှိသော ဆန်/စပါးများကိုဝယ်ယူကြိတ်ခွဲ၍ ပြည်ပတင်ပိုရန် ဆောင်ရွက်လျက်ရှိသော လုပ်ငန်းများသို့ မြို့နယ်စားသုံးသူရေးရာဦးစီးဌာနမှ ဦးအောင်လွင် ဦးစီးအရာရှိနှင့် ပူးပေါင်းစစ်ဆေးရေးအဖွဲ့တို့က ဆန်/စပါးသိုလှောင် ကြိတ်ခွဲသော လုပ်ငန်းများ၏ သိုလှောင်ထားရှိမှုအခြေအနေများကို စစ်ဆေးပြီး ဆန်များကို သိုလှောင်ပါက နှစ်တစ်ပတ်လည် နှစ်ပေါက်အောင်သိုလှောင်ထားခြင်းများ မရှိရန်၊ စပါးကိုသာ နှစ်ပတ်လည်သိုလှောင်ထားရှိပြီးကြိတ်ခွဲခြင်းမျိုး ရနိုင်ကြောင်း၊ စပါးကြိတ်ခွဲထွက်ရှိပါက အကျိုးအကျေနည်းပြီး အရည်အသွေး ကောင်းမွန်သည် ဆန်အရောင်းအဝယ်ပြုလုပ်ရာတွင် ဈေးကွက် ဝင်ဆန့်နိုင် ပြီး ဈေးကောင်းလည်း ရရှိနိုင် ကြောင်း အရည်အသွေးကောင်းမွန်သော ဆန်ရရှိရန် မျိုးကောင်းမျိုးသန့်စပါး ရရှိရန်လိုအပ်သလို ရိတ်သိမ်းပြီး ချိန်တွင် အရည်အသွေး ဆုံးရှုံးမှု မဖြစ်ရန် စနစ်တကျ ကိုင်တွယ်ထိန်းသိမ်းရန် လိုအပ်ကြောင်း၊ မြန်မာ့ရေမြေရာ သီဥတု သည်လည်း ပူနွေးစိုစွတ်သော အနေအထားရှိသဖြင့် ထိန်းချုပ်ရန် အခက်အခဲများစွာရှိသဖြင့် ဆန်သိုလှောင်မှု နည်းပညာများ ထိန်သိမ်းထားရန်လိုအပ်ကြောင်း နိုင်ငံတကာမှ သတ်မှတ်စံချိန်စံညွှန်းပြည်မှီစွာ ပြည်ပတင်ပို့နိုင်ရေး လုပ်ငန်းရှင်များက တိကျစွာလိုက်နာဆောင်ရွက်မှသာ ကောင်းမွန်သော ကုန်စည်များ ပြည်ပတင်ပို့နိုင် မည်ဖြစ်ကြောင်း အသိပညာပေး ဆွေးနွေးခဲ့ကြောင်း သိရသည်။
DOCA(ဧရာဝတီ)