ပန်းတနော်မြို့နယ် ထူးထက် ဟန်ကုမ္ပဏီ၏ ဝက်အသားတိုးမွေးမြူရေးလုပ်ငန်းခွင်သို့ စားသုံးသူရေးရာဦးစီးဌာနမှ သွားရောက်လေ့လာ ခဲ့ပြီး ပြည်တွင်းကုန်သွယ်မှု ဈေးကွက်ရရှိနိုင်မှုနှင့် စားသုံးသူများ၏ လိုအပ် ချက် ဖြည့်ဆည်းနိုင်မှုများကို အပြန်အလှန် ရှင်းလင်းဆွေးနွေးခဲ့ပြီး ထူးထက် ဟန်ကုမ္ပဏီ၏ အသားတိုးဝက် မွေးမြူရေးလုပ်ငန်းသည် သန့်ရှင်းလတ်ဆတ် မှုရှိပြီး စားသုံးသူအတွက် ဘေးကင်းစွာ စားသုံးနိုင်မှုနှင့် ဈေးကွက်ရရှိမှု အလားအလာကောင်းများကို တွေ့ရှိရကြောင်း သိရသည်။
ဧရာဝတီတိုင်းဒေသကြီး၊ ပန်းတနော်မြို့နယ်၊ ဘဝိုင်းကျေးရွာအုပ်စု၊ ဥတိုကျေးရွာတွင် အသားတိုးဝက် မွေးမြူရေးလုပ်ငန်းကို အလုံပိတ်လေအေးပေးစနစ်ဖြင့် မွေးမြူလျက်ရှိကြောင်းသိရသည်။ ၂၀၂၄ခုနှစ် ထုတ်လုပ် မွေးမြူ သော ဝက်အသားတိုးများကို (၁၈.၅.၂၀၂၅) နေ့က တင်ပို့နိုင်မှု (၁၈)ခြံမှ ဝက်အကောင်ရေ ၉၅၀၀ ကောင်ရေမွေးမြူနိုင်ပြီး ပိသာချိန် (၇၂၆၅၀၀) တင်ပို့နိုင်ကြောင်း သိရသည်။
လက်ရှိတွင် ဝက်တစ်ကောင်ပေါက် (၃၉၀၀)ကောင်မွေးမြူထားရှိကြောင်း သိရသည်။ အကောင်ပေါက် တစ်ကောင်လျှင် ငွေကျပ် ၂၅၀ဝ၀ဝ ဖြင့် ဝယ်ယူ၍ မွေးမြူရကြောင်း သိရသည်။ အသားတိုးဝက်များကို စတင်မွေးမြူသည်မှ ၁၄၅ ရက်သားတွင် ဝက်အကောင်ရောင်းချသလို ဝက်သား ၈၅ kg အထက် ဈေးနှုန်း ၂၁၆၀၀နှုန်း၊ ၈၅ kg အောက်ဈေးနှုန်း ၂၀၇၀၀နှုန်းဖြင့် ဈေးကောင်းရရှိသည်ဟု ရန်ကုန်ဈေးကွက်သို့ တင်ပို့ကြောင်းကို စက်ရုံတာဝန်ခံမှ ရှင်းလင်းပြောပြခဲ့သည်။
DOCA(ဧရာဝတီ)