ပဲခူးတိုင်းဒေသကြီး စားသုံးသူရေးရာကော်မတီ အစည်းအဝေး (၄/၂၀၂၅) ကို ၄.၅.၂၀၂၅ ရက်နေ့၊ နံနက် (၉း၀၀) နာရီ အချိန်တွင် ပဲခူးတိုင်းဒေသကြီးဦးစီးမှူးရုံး၊ စားသုံးသူရေးရာဦးစီးဌာန၊ တိုင်းဒေသကြီး ဦးစီးမှူးရုံးရှိ အစည်းအဝေးခန်းမတွင် ကျင်းပပြုလုပ်ခဲ့ပါသည်။
အဆိုပါ အစည်းအဝေးတွင် စားသုံးသူရေးရာကော်မတီဥက္ကဌ စီးပွားရေးရာဝန်ကြီးမှ အဖွင့် အမှာစကားပြောကြားခဲ့ပြီး စားသုံးသူရေးရာဦးစီးဌာန၊ တိုင်းဒေသကြီး ဦးစီးမှူးမှ (၃/၂၀၂၅) အစည်းအဝေးဆုံးဖြက်ချက်များအား ဆောင်ရွက်ထားရှိမှု အခြေအနေများ၊ ၂၀၂၅ခုနှစ် ဧပြီလအတွင်း စားသုံးသူကာကွယ်ရေးဆိုင်ရာ အသိပညာပေးဟောပြောပွဲများ ကျင်းပခြင်း၊ စီးပွားရေးလုပ်ငန်းရှင်များနှင့် တွေ့ဆုံဆွေးနွေးခြင်းများ ထုတ်ကုန်လုံခြုံစိတ်ချရမှုဆိုင်ရာ ဈေးကွက်စောင့်ကြည့်စစ်ဆေးခြင်းများ၊ ကုန်အညွှန်းအမှတ်အသားများ လျှောက်ထားလာမှုများအား စိစစ်တင်ပြ အတည်ပြုပေးခြင်း၊ ဝန်ဆောင်မှု ကဏ္ဍ(၃)ရပ်အနက် အစားအသောက်ရောင်းချသည့် ဝန်ဆောင်မှုကဏ္ဍ အတွက် စားသောက်ဆိုင်များအား ဈေးကွက်စောင့်ကြည့်စစ်ဆေးခြင်း၊ စားသောက်ဆိုင်များ၏ ဝန်ဆောင်မှုအပေါ် စစ်ဆေးတွေ့ရှိမှု အခြေအနေများနှင့် လုပ်ငန်းဆောင်ရွက်နိုင်မှု မှတ်တမ်းဓာတ်ပုံများကို Power Point ဖြင့် ရှင်းလင်းဆွေးနွေးခဲ့ကြောင်း ဆက်လက်၍ စားသုံးသူရေးရာဦးစီးဌာန ၊ ထုတ်ကုန်လုံခြုံ စိတ်ချရမှုဌာနခွဲတာဝန်ခံမှ အမှာစာ(၄)စောင်အားအတည်ပြုပေးနိုင်ပါရန် ရှင်းလင်းတင်ပြခဲ့ပါသည်။
အဆိုပါ အစည်းအဝေးသို့ စားသုံးသူရေးရာကော်မတီဥက္ကဌအပါအဝင် အဖွဲ့ဝင်(၇)ဦး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးမှ(၇)ဦး စုစုပေါင်း(၁၄)ဦး တက်ရောက်ခဲ့ပြီး တင်ပြသည့် အမှာစာများအပေါ် အကြံပြုချက်များတင်ပြခြင်း၊ အခက်အခဲများ ၊ လုပ်ငန်းစဉ် ကိစ္စရပ်များအား အပြန်အလှန်ဆွေးနွေးခဲ့ကြပြီး အစည်းအဝေးကို အောင်မြင်စွာ ရုတ်သိမ်းခဲ့ကြောင်း သိရှိရပါသည်။
DOCA(ပဲခူး)