၂၀၂၅ ခုနှစ်၊ ဇွန်လ(၁၁)ရက်နေ့တွင် စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးတွင် Online စနစ်ဖြင့် စားသုံးသူရေးရာသင်တန်းကျင်းပခဲ့ရာ စစ်ကိုင်းတိုင်း ဒေသကြီးဦးစီးမှူးရုံးမှ ဝန်ထမ်းများ၊ မုံရွာခရိုင်ဦးစီးမှူးရုံးမှ ဝန်ထမ်းများနှင့် ကလေးခရိုင်ဉီးစီးမူးရုံး၊ ကန့်ဘလူခရိုင် ဦးစီးမှူးရုံး၊ စစ်ကိုင်းခရိုင်ဦးစီးမှူးရုံးနှင့် ရွှေဘိုခရိုင်ဦးစီးမှူးရုံးတို့မှ ဝန်ထမ်းများက Online စနစ်ဖြင့် တက်ရောက်ခဲ့ကြပြီး စုစုပေါင်း (၅၁) ဦး တက်ရောက်ခဲ့ကြကြောင်း သိရှိရပါသည်။
သင်တန်းကျင်းပရခြင်း၏ ရည်ရွယ်ချက်မှာ စားသုံးသူအခွင့်အရေးများ အပြည့်အဝ ကာကွယ်ပေး နိုင်ရေး၊ အသိပညာပေးခြင်းအားဖြင့် လုပ်ငန်းရှင်များက စည်းစနစ်ကျနလာပြီး စားသုံးသူ ပြည်သူများအား အရည်အသွေးအဆင့်ရှိထုတ်ကုန်များ ထုတ်လုပ်ပြီးကောင်းမွန်သော ဝန်ဆောင်မှုပေးလာစေခြင်း၊ စားသုံးသူရေးရာဦးစီးဌာနနှင့် ဈေးကွက်စောင့်ကြည့်စစ်ဆေးသူများ၏ ပညာပေးခြင်းနှင့် စစ်ဆေးခြင်း အရည်အသွေးတိုးတက်လာစေရန် စသည့် ရည်ရွယ်ချက်များဖြင့် ဆောင်ရွက်ခြင်းဖြစ်ကြောင်း သိရ ပါသည်။
စားသုံးသူကာကွယ်ရေးလုပ်ငန်းများကို အခက်အခဲကြားမှ အောင်မြင်အောင်ဆောင်ရွက်နိုင်ရန် ရည်ရွယ်၍ စားသုံးသူပညာပေးခြင်းဆောင်ရွက်ရာ၌ ပါရှိသင့်သည့်သတင်းအချက်အလက်များ စုဆောင်း အသုံးပြုနည်း၊ ဟောပြောရာ၌ စားသုံးသူများစိတ်ဝင်စားလာအောင် ဟောပြောနည်းဗျူဟာများ၊ တိုင်ကြား လာပါက မည်ကဲ့သို့ စတင်ချဉ်းကပ်ပြီး ညင်သာစွာဖြင့် အဆုံးသတ်ဖြေရှင်းနည်းလမ်းများကို အကျယ်တဝင့် ဆွေးနွေးပို့ချခဲ့ပါသည်။ အဆိုပါ အွန်လိုင်းသင်တန်းကို မွန်းလွဲ(၁၄:၀၀)နာရီမှ (၁၇:၀၀)ချိန် အထိ ကျင်းပဆောင်ရွက်နိုင်ခဲ့ ကြောင်း သတင်း ရရှိပါသည်။
Doca(စစ်ကိုင်း)