စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မုံရွာခရိုင် ဦးစီးမှူးရုံးမှ ခရိုင်ဦးစီးမှူးနှင့်ဝန်ထမ်း (၁)ဦး တို့သည် (၂၀.၇.၂၀၂၂) ရက်နေ့တွင် မုံရွာမြို့၊ ရန်ကင်းရပ်ရှိ Star စားအုန်းဆီ လက်ကားရောင်းဝယ်ရေးသို့ ဈေးကွက်စောင့်ကြည့်စစ်ဆေးခဲ့ ပါသည်။
ထိုသို့ စစ်ဆေးရာတွင် စားအုန်းဆီတင်သွင်းရောင်းချသည့် လုပ်ငန်းရှင်အား စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော ညွှန်ကြားချက်အမှတ် ၁/၂၀၂၁ သည် လာမည့် ဇွန်လ(၁၉)ရက်တွင် (၆)လ ပြည့်မြောက်တော့မည်ဖြစ်၍ သက်ဆိုင်ရာစီးပွားရေး လုပ်ငန်းရှင်များအနေဖြင့် ဈေးကွက်အတွင်းဖြန့်ဖြူးရောင်းချသည့် ဟင်းသီးဟင်းရွက်ဆီ (Vegetable Oil, Cooking Oil) အမျိုးအစားနှင့် စပ်လျဉ်း၍ ကုန်အညွှန်းအမှတ်အသား ဖော်ပြခြင်းနှင့် ပတ်သက်၍ လိုက်နာခြင်း ရှိ/ မရှိ ကွင်းဆင်းစစ်ဆေးခြင်းဖြစ်ကြောင်း၊ ကုမ္ပဏီများမှ ဖြန့်ဖြူးရောင်းချပေးသည့် စားအုန်းဆီများကို စားသုံးသူများအား သတ်မှတ်ပေးထားသော ရည်ညွှန်းဈေးအတိုင်း ရောင်းချပေးကြရန်၊ အချင်အတွယ် မှန်ကန်စွာ ရောင်းချပေးကြရန် အသိ ပညာပေး ဆွေးနွေးခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သတင်းရရှိပါသည်။
DOCA(စစ်ကိုင်း)