![](http://www.doca.gov.mm/sites/default/files/styles/consumer_inner_image__847x424_/public/mdy1.jpg?itok=4ghCxMPF)
စားသုံးသူရေးရာဦးစီးဌာန ၊ မန္တလေးတိုင်းဒေသကြီး၊ (မိတ္ထီလာ/ရမည်းသင်း) ခရိုင်၊ ခရိုင်ဦးစီးမှူး၏ ကြီးကြပ်မှုဖြင့် ၂၀၂၂ခုနှစ်၊ ဇူလိုင်လ ၂၂ ရက်နေ့တွင် ပျော်ဘွယ်မြို့နယ်အတွင်းရှိ စျေးဆိုင်များတွင် ရောင်းချနေသော ကုန်စည်များတွင် ထိုင်းနိုင်ငံထုတ် Gano အမှတ်တံဆိပ်ဖြင့် ကော်ဖီ (3 in 1)၊ သွားတိုက်ဆေးနှင့် ဖြည့်စွက်အစားအစာများကို ရောင်းချမှုရှိ/မရှိ ကွင်းဆင်းစစ်ဆေးခဲ့ပါသည်။
Gano အမှတ်တံဆိပ်ဖြင့် ကော်ဖီ (3 in 1)၊ သွားတိုက်ဆေးနှင့် ဖြည့်စွက်အစားအစာများကို မလေးရှားနိုင်ငံ Gano Excek Industries SDN.BHD မှ အစားအသောက်၊ လူသုံးကုန်၊ ဖြည့်စွက်ဓါတ် စာများကို တစ်ဦးတည်းပိုင် ကိုယ်စားလှယ်အဖြစ် မှတ်ပုံတင်ပြီး တရားဝင်သွင်းသွင်းရောင်းချလျက်ရှိကြောင်းနှင့် သက်ဆိုင်ရာဌာနများ၏ ထောက်ခံချက်နှင့် ကုန်အညွှန်းအမှတ်အသားများ ကိုက်ညီမှုရှိ သော ကုန်စည်ဖြစ်ကြောင်းနှင့် ထိုင်းနိုင်ငံထုတ် Gano အမှတ်တံဆိပ်ဖြင့် ကော်ဖီ (3 in 1)၊ သွားတိုက်ဆေးနှင့် ဖြည့်စွက်အစားအစာများကို ရောင်းချခြင်းမပြုရန် ဆိုင်ရှင်များအား ပြောဆိုဆွေးနွေးခဲ့ပြီး ဆိုင်ရှင်များအား စားသုံးသူကာကွယ်ပေးရေး ဥပဒေ၊ ကုန်အညွှန်းအမှတ်အသားများနှင့်ဆက်စပ်သော ဥပဒေပြဌာန်းချက်များ၊ လုပ်ငန်းရှင်တို့၏တာဝန်၊ ဝတ္တရားများကို ရှင်းလင်းပြေားကြားခဲ့ပါသည်။ ပျော်ဘွယ်မြို့နယ်အတွင်း ထိုင်းနိုင်ငံထုတ် Gano အမှတ်တံဆိပ်ဖြင့် ကော်ဖီ (3 in 1)၊ သွားတိုက်ဆေး နှင့် ဖြည့်စွက်အစားအစာများ ရောင်းချခြင်းမရှိကြောင်း စစ်ဆေးတွေ့ရှိရပါသည်။
DOCA(မန္တလေး)