မန္တလေးတိုင်းဒေသကြီး၊မြင်းခြံခရိုင်၊ငါန်းဇွန်မြို့နယ် မြို့နယ်အားကစားနှင့်ကာယပညာဦးစီးဌာနနှင့် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ပူးပေါင်း၍ လူငယ်ရေးရာအသိပညာပေးဟောပြောပွဲကို (၂၃.၇.၂၀၂၂) ရက်နေ့ နေ့လယ်(၀၁:၀၀) အချိန်တွင် ငါန်းဇွန်မြို့ အခြေခံပညာအထက်တန်းကျောင်းရှိ အောင်ဆန်းခန်းမ ကျင်းပပြုလုပ်ရာ မြို့နယ်စားသုံးသူရေးရာဦးစီးဌာနမှလည်း ပူးပေါင်းပါဝင် ဟောပြောဆွေးနွေးခဲ့ပါသည်။
ရှေးဦးစွာ မြို့နယ်အားကစားနှင့်ကာယပညာဦးစီးဌာန ၊ဦးလှိုင်မိုးဟိန်း(မြို့နယ်ဦးစီးမှူး)မှ လူငယ်နှင့် ခေါင်းဆောင်မှုခေါင်းစဉ်ဖြင့်လည်းကောင်း ဟောပြောဆွေးနွေးပြီး အားကစားပစ္စည်းများပေး အပ်ခဲ့ပါသည်။ ဆက်လက်၍ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊ ဒေါ်နေခြည်ဦး (မြို့နယ်ဦးစီးမှူး)မှ လူငယ်နှင့်စာပေခေါင်းစဉ်ဖြင့်လည်းကောင်း၊ မြို့နယ်စားသုံးသူရေးရာဦးစီးဌာန၊ ဒေါ်သင်းသင်းဆွေ (မြို့နယ်တာဝန်ခံ)မှ စားသုံးသူကာကွယ်ရေးနှင့်ပါတ်သက်၍ စားသုံးသူကာကွယ်ရေး၏ အဓိပ္ပာယ် ၊ ကုန်စည်နှင့်ဝန်ဆောင်မှုများ၏အဓိပ္ပာယ် ၊ စားသုံးသူနှင့်စီးပွားရေးလုပ် ငန်းရှင်၏ အဓိပ္ပာယ်၊စားသုံးသူအခွင့်အရေးနှင့်တာဝန်များအား ရှင်းလင်းဆွေးနွေးခဲ့ပြီး စားသုံးသူရေးရာဦးစီးဌာနနှင့် စားသုံးသူကာကွယ်ရေးဥပဒေအကြောင်းအား ဌာန၏ website ဖြစ်သော www.doca.gov.mm တွင် ဝင်ရောက်ကြည့်ရှုလေ့လာနိုင်သလို ကုန်စည်နှင့်ဝန်ဆောင်မှုများ သုံးစွဲခြင်းကြောင့် အမှန်တကယ်နစ်နာဆုံးရှုံးမှုများကိုလည်း တိုင်ကြားနိုင်ပါကြောင်း ၊ တိုင်းနှင့်ခရိုင်များတွင်လည်း စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC) ရုံးများ ဖွင့်လှစ်ထားရှိပါကြောင်း၊ထိုအပြင် စားသုံးသူပြည်သူများ ဆက်သွယ်မေးမြန်းဆောင်ရွက်နိုင်စေရန် Call Center ဝန်ဆောင်မှုအား ဆောင်ရွက်ပေးလျှက်ရှိရာ Consumer Call Center နံပါတ် 1535 သို့လည်း ရုံးချိန်အတွင်း ဆက်သွယ်ခေါ်ဆိုနိုင်ပါကြောင်း စသည်ဖြင့် ဟောပြောဆွေးနွေးခဲ့ပါသည်။
အဆိုပါဟောပြေပွဲသို့ ဆရာဆရာမနှင့်ကျောင်းသားကျောင်းသူ စုစုပေါင်း ( ၂၅၀ ) ဦး တက်ရောက်ခဲ့ပြီး နေ့လယ်(၀၂:၃၀) နာရီ အချိန်တွင်ပြီးဆုံးခဲ့ကြောင်း သိရှိရပါသည်။
DOCA(မန္တလေး)