![](http://www.doca.gov.mm/sites/default/files/styles/consumer_inner_image__847x424_/public/စားသံုးဘေးကင်း.jpg?itok=ct8PvvGC)
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊စားသုံးသူရေးရာဦးစီးဌာန၊ပြင်ဦးလွင်ခရိုင် ရုံးခွဲမှ ဦးသက်လွင်ထူး (စစ်ဆေးရေးအရာရှိ)နှင့်အဖွဲ့သည် စားသုံးသူများထုတ်ကုန်လုံခြုံစိတ်ချရမှုရှိ စေရေးအတွက် မြို့နယ်ကျန်းမာရေးဦးစီးဌာန ၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ် စည်ပင်သာယာရေးအဖွဲ့များနှင့်အတူ(၂၅-၇-၂၀၂၂)ရက်နေ့တွင်ပြင်ဦးလွင်မြို့၊ မြို့မစျေးနှင့်သုမင်္ဂလာ စျေးတို့တွင် ရောင်းချနေသောစျေးဆိုင်များသို့ ကွင်းဆင်း၍ စျေးကွက်စောင့်ကြည့်စစ်ဆေးခဲ့ကြောင်း သိရသည်။
ထိုသို့စစ်ဆေးရာတွင် ပြင်ဦးလွင်မြို့နယ်၊ ကျန်းမာရေးဦးစီးဌာနမှ ဒေါက်တာဖြိုးမြင့်နိုင်က ယခုအခါ မိုးဦးကျနေပြီဖြစ်၍ ဝမ်းပျက်ဝမ်းလျောရောဂါ၊ သွေးလွန်တုပ်ကွေးရောဂါများ ဖြစ်ပွားနေသည့်အတွက် စားသောက်ကုန်များကို ယင်များအန္တရာယ်မကျရောက်စေရန် စနစ်တကျဖုံးအုပ် ကာကွယ်ရန် ၊ ကိုဗစ်-၁၉ရောဂါများ ပြန်လည်ဖြစ်ပွားနေသည့်အတွက် နှာခေါင်းစည်း Mask များ ကိုမဖြစ်မနေတပ်ဆင်ရောင်းချရန်ပြောကြားခြင်း ၊ စားသုံးသူရေးရာဦးစီးဌာနမှ ဦးသက်လွင်ထူး (စစ်ဆေးရေးအရာရှိ)က စျေးကွက်အတွင်းရောင်းချသူများအနေဖြင့် စားသုံးများအတွက် ဘေးကင်း လုံခြုံစိတ်ချရမှုရှိသော ကုန်စည်များကိုသာရောင်းချရန်နှင့် စားသုံးသူကာကွယ်ရေး ဥပဒေပါ စီးပွား ရေးလုပ်ငန်းရှင်တာဝန်များ ၊ ကုန်အညွှန်းအမှတ်အသား ဖော်ပြခြင်းနှင့်ပတ်သက်သည့် အချက်အလက်များအား အသေးစိတ်ရှင်းလင်းဆွေးနွေးခဲ့ပြီး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။
DOCA(မန္တလေး)