မန္တလေးတိုင်းဒေသကြီး၊ အောင်မြေသာဇံခရိုင်၊မတ္တရာမြို့နယ် စီမံအုပ်ချုပ်ရေးအဖွဲ့၏ဦးဆောင် မှုဖြင့်(၂၃-၇-၂၀၂၂)ရက်နေ့၊နေ့လယ်(၁၅:၀၀)နာရီအချိန်တွင် မတ္တရာမြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ မြို့နယ်စီမံအုပ်ချုပ်ရေးအဖွဲ့နှင့် မတ္တရာမြို့နယ်အတွင်းရှိ စက်သုံးဆီ ရောင်းချလျှက်ရှိသော စီးပွားရေးလုပ်ငန်းရှင်များနှင့် တွေ့ဆုံဆွေးနွေးပွဲကျင်းပခဲ့ပါသည် ။ တွေ့ဆုံ ဆွေးနွေးပွဲတွင် မြို့နယ်စီမံအုပ်ချုပ်ရေးအဖွဲ့ ဥက္ကဌ၊ဦးအောင်သူရသိန်းမှ အဖွင့်အမှာစကားပြောကြားရာတွင် စက်သုံးဆီအရောင်းဆိုင် စီးပွားရေးလုပ်ငန်းရှင်များအနေဖြင့် တရားမဝင် ၊ အရည် အသွေးနိမ့်၊ စံချိန်စံညွှန်းမပြည့်မီသောချက်ဆီများ ဝယ်ယူရောင်းချခြင်းမပြုလုပ်ကြရန်၊စက်သုံးဆီစျေးနှုန်းများ သတ်မှတ်ရည်ညွှန်းစျေးနှုန်းများထက် ပိုမိုကျော်လွန်၍ ရောင်းချခြင်းမပြုလုပ်ကြရန် ၊ အချင်အတွယ်မှန်ကန်စွာရောင်းချကြရန် ၊ အရည်အသွေးကောင်းမွန်သော စက်သုံးဆီများကိုသာ ဝယ်ယူရောင်းချကြရန်နှင့်စက်သုံးဆီများပြတ်လပ်မှုမရှိစေရေး အလေးထားဆောင်ရွက်သွားကြရန် ဆွေးနွေးပြောကြားခဲ့ပါသည်။ ဆက်လက်၍ စားသုံးသူရေးရာဦးစီးဌာန ၊ မတ္တရာမြို့နယ်တာဝန်ခံ ဒေါ်ဝင်းမာမှ ပြောကြားရာတွင် စက်သုံးဆီစျေးနှုန်းများ နေ့စဉ်ကောက်ယူနေမှုများနှင့်ပတ်သက်၍ ရှင်းလင်းပြောကြားခြင်း ၊ စားသုံးသူကာကွယ်ရေးနှင့်ပတ်သက်၍ လက်ရှိစားသုံးသူကာကွယ်ရေး ဥပဒေကို ၂၀၁၉ခုနှစ်၊မတ်လ(၁၅)ရက်နေ့၊ ပြည်ထောင်စုလွှတ်တော်အမှတ်(၉)ဖြင့်ပြဌာန်းထားပြီးဖြစ်ကြောင်း ၊ ဥပဒေပါ ဦးစီးဌာန၏ လုပ်ပိုင်ခွင့်နှင့်လုပ်ငန်းတာဝန်များ ၊ စီးပွားရေးလုပ်ငန်းရှင်တာဝန် များအား သေးစိတ်ရှင်းလင်းပြောကြားခဲ့ပြီး စားသုံးသူနစ်နာဆုံးရှုံးမှုရှိပါက တိုင်းဒေသကြီး / ပြည်နယ်များရှိ Consumer Information and Complaint Center (CICC)များနှင့် Consumer Call Center များဖြစ်သည့် 1535 သို့ခေါ်ဆို၍လည်းကောင်း ၊ စားသုံးသူရေးရာဦးစီးဌာန Website ဖြစ်သော www.doca.gov.mmသို့ဝင်ရောက်ပြီး တိုင်ကြားနိုင်ကြောင်းနှင့် တက်ရောက်လာသည့် စီးပွားရေးလုပ်ငန်းရှင်များအား စားသုံးသူကာကွယ်ရေးနှင့်ပတ်သက်သည့် လက်ကမ်းစာစောင်များအား ဖြန့်ဝေပေးခဲ့ပါသည်။တွေ့ဆုံဆွေးနွေးပွဲသို့ စီးပွားရေးလုပ်ငန်းရှင်(၃၂)ဦး တက်ရောက်ခဲ့ကြောင်း သတင်းရရှိပါသည်။
DOCA(မန္တလေး)