စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊မကွေးတိုင်းဒေသ ကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးနှင့်ဝန်ထမ်းများသည် (၁၆.၆.၂၀၂၅) ရက်နေ့၊ နံနက် (၀၉:၃၀) အချိန်တွင် ပခုက္ကူမြို့ပေါ်ရှိ ဆန်ဆိုင်များ သို့ သတ်မှတ်ရည်ညွှန်းဈေးဖြင့် ရောင်းချမှု ရှိ/မရှိ ကွင်းဆင်းစစ်ဆေးခဲ့ကြောင်း သိရသည်။
ထိုသို့ ကွင်းဆင်းစစ်ဆေးရာတွင် ဆန်ဆိုင်များဖြစ်သော အောင်မြင့်မိုရ်၊ ဇော်ဖြိုးမောင်၊ ဦးကျော်ဝင်း၊ ဖြိုး၊ ရွှေနှင်းဆီနှင့် လမင်း ဆန်ဆိုင်များသို့ ကွင်းဆင်းစစ်ဆေးခဲ့ပြီး ရက်(၉၀)၊ မနောသုခ၊ ဧရာပဒေသာ၊ ရွှေဘိုပေါ်ဆန်း၊ ဧရာဝတီပေါ်ဆန်းတို့ကို မြန်မာနိုင်ငံ ဆန်စပါး အသင်းချုပ်မှ သတ်မှတ်ရည်ညွှန်းဈေးအတိုင်း ရောင်းချလျက်ရှိပြီး၊ ဆန်အရည်အသွေးများ မှန်ကန်မှု ရှိ/မရှိနှင့် ဆန်များကို သတ်မှတ်ရည်ညွှန်းဈေးအတိုင်း ရောင်းချမှုမရှိပါက အရေးကြီးကုန်စည်နှင့် ဝန်ဆောင်မှု ဥပဒေအရ အရေးယူခံရမည်ဖြစ်ကြောင်းနှင့် ဆန်အရောင်းအဝယ်ဖြစ်မှု အခြေအနေများကို မေးမြန်း၍ အသိပညာပေး ကွင်းဆင်းစစ်ဆေးခဲ့ကြောင်း သိရသည်။
DOCA(မကွေး)