ဖျာပုံခရိုင်ဒေးဒရဲမြို့နယ် စားသုံးသူရေးရာဦးစီးဌာန မြို့နယ်တာဝန်ခံနှင့် ဝန်ထမ်းတို့သည် ဇူလိုင်လ (၂၅)ရက်နေ့ နံနက်(၁၁:၀၀)နာရီအချိန်တွင် ဖြိုးငါးဒိုင်တွင် မြို့နယ်ငါးလုပ်ငန်းရှင်များအသင်း အတွင်းရေးမှူးဦးဇော်ဝင်းနှင့်တွေ့ဆုံ၍ အသင်း၏လက်ရှိဆောင်ရွက်နေမှုအခြေအနေ၊ ရှေိ့ဆက်လက် ဆောင်ရွက်မည့်အစီအစဉ်များ၊ လုပ်ငန်းဆောင်ရွက်ရာတွင် တွေ့ကြုံနေရသည့်အခက်အခဲများကို ဆွေးနွေးခဲ့ပါသည်။
ထိုနောက် ဒေးဒရဲမြို့နယ်ငါးလုပ်ငန်းရှင်များအသင်းအနေဖြင့် ၂၀၀၈ခုနှစ် နာဂစ်လွန်ကာလများ တွင် အသင်းသားများအား ပိုက်၊ လှေ၊ စက်များကို အစိုးရ၊ NGO၊ INGO အဖွဲ့အစည်းများနှင့်ချိတ်ဆက်၍ ပံ့ပိုးကူညီနိုင်ခဲ့ပါသည်။ COVID-19 ရောဂါဖြစ်ပွားခဲသောကာလများတွင်ပံ့ပိုးကူညီဆောင်ရွက်နိုင်မှုမရှိ ခြင်းအသင်းသားများအနေဖြင့်လည်း သားငါးအရနည်းပါးခြင်းများကြောင့်အသင်းအပေါ်စိတ်ဝင်စားမှူ နည်းပါးလာသဖြင့် ကြိုးစား၍စည်းရုံးဆောင်ရွက်လျှက်ရှိပြီး အသင်းသားအချင်းချင်း ဖေးမကူညီဆောင် ရွက်ပေးလျှက်ရှိပါသည်။ ငါးလုပ်ငန်း ဖမ်းဆီး၊ ထုတ်လုပ်တင်ပို့ရောင်းဝယ်ရာတွင် စက်သုံးဆီဈေးနှုန်း ကြီးမြင့်ခြင်း၊ လုပ်ငန်းသုံးပစ္စည်းဈေးကြီးခြင်း၊ လုပ်သားရှားပါးမှုစသည့် အခက်အခဲမှုများနှင့် တွေ့ကြုံ နေရပါသည်။ သို့ဖြစ်ပါ၍ စက်သုံးဆီဈေးနှုန်း ကြီးမြင့်မှုကို ထိန်းညှိဆောင်ရွက်ပေးနိုင်ပါက ငါးလုပ်ငန်း များဖွံ့ဖြိုးတိုးတက်ပြီး အသင်းရေရှည်တည်တံ့ဖွံ့ဖြိုးနိုင်မည်ဖြစ်ပါကြောင်း မြို့နယ်ငါးလုပ်ငန်းရှင်များအသင်း အတွင်းရေးမှူးဦးဇော်ဝင်းမှ ပြောကြားခဲ့ပါသည်။
DOCA(ဧရာဝတီ)