စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးတွင် ၂၀၂၂ ခုနှစ် ဩဂုတ်လ(၉) ရက် နေ့ ၊ နံနက်(၁၀:၃၀ )အချိန်တွင် ပြည်နယ်ဦးစီးမှူးရုံးအစည်းအဝေးခန်းမ၌ ကယားပြည်နယ် ပြောင်းအသင်းဖွဲ့စည်းပြီးစီးမှု အခြေအနေနှင့် စပ်လျဉ်း၍ ပြောင်းလုပ်ငန်းရှင် အသင်းဝင်(၄)ဦး လာရောက် တင်ပြဆွေးနွေးခဲ့ပါသည်။
အဆိုပါ ဆွေးနွေးပွဲတွင် ပြည်နယ်ပြောင်းအသင်းမှ တာဝန်ရှိသူများက အသင်းအား ၂၀၂၂ ခု နှစ်၊ဇူလိုင်လ(၁၈)ရက်နေ့က( Viber Group–Poll)စနစ်ဖြင့် မြန်မာနိုင်ငံပြောင်းလုပ်ငန်း အသင်းကြီး မှ ကြီးမှူး၍ ဥက္ကဌ(၁)ဦး၊ ဒုတိယဥက္ကဌ(၂)ဦး ၊ အထွေထွေအတွင်းရေးမှူး(၁)ဦး၊ တွဲဖက်အတွင်းရေး မှူး(၂)ဦး ဘဏ္ဍာရေးမှူး(၁)ဦး၊ တွဲဖက် ဘဏ္ဍာရေးမှူး(၂)ဦး၊စာရင်းစစ်(၁)ဦး၊တွဲ ဖက်စာရင်းစစ် (၁) ဦးစုစုပေါင်း(၁၁)ဦးနှင့် ဗဟိုအလုပ်အမှုဆောင်(၅)၊ အလုပ်အမှုဆောင် (၈)ဦးတို့ဖြင့် အသင်းအားဖွဲ့ စည်းပြီးဖြစ်ပါကြောင်း၊ ကယားပြည်နယ်အတွင်းရှိ ပြောင်းစိုက်တောင်သူများ၊ ပြောင်းကုန်သည် ပွဲစားများပါဝင်တက်ရောက်ပါကြောင်း၊ စားသုံးသူရေးရာဦးစီးဌာန ၊ ပြည်နယ်ဦးစီးမှူးမှလည်း အသင်း ရေရှည်တည်တံ့စေရေး၊ ပြောင်းလုပ်ငန်းဖွံ့ဖြိုးတိုးတက်စေရေးအတွက် လိုအပ်သည်များကိုလည်း ကူညီဆောင်ရွက်ပေးနိုင်ပါရန် အသီးသီးတင်ပြကြပြီး၊ မိမိအနေဖြင့်လည်း အသင်းအဖွဲ့များဖြင့် ပုံမှန် အမြဲတွေ့ဆုံဆွေးနွေးခြင်ပါကြောင်း ၊ ယခင်ဖွဲ့စည်းပြီးသားအဖွဲ့များ သက်ဝင်လှုပ်ရှားမှုရှိစေရေး၊ အသစ်ထပ်မံဖွဲ့စည်းလိုသည့် အသင်းများရှိပါက ဌာနအနေဖြင့် ကူညီဆောင်ရွက်ပေးသွားမည်ဖြစ်ကြောင်း ၊ ပြောင်းအသင်းအဖွဲ့ဝင်များ အားလုံးဖြင့်လည်း ထပ်မံတွေ့ဆုံလိုပါကြောင်း ပြန်လည် ဆွေးနွေးခဲ့ပါကြောင်း သိရှိရပါတယ်။
DOCA(ကယား)