စားသုံးသူရေးရာဦးစီးဌာန၊ မြောင်းမြခရိုင်၊ အိမ်မဲမြို့နယ်တွင် မြို့နယ်တာဝန်ခံဦးလေးလွင် သည်(၁၂.၈.၂၀၂၂)ရက်နေ့နံနက်(၁၁:၀၀)နာရီက အိမ်မဲကြီးရပ်ကွက်၊အိမ်မဲကြီး(အထက-၂)ကျောင်း
တွင် ဆရာ/ဆရာမ၊ ကျောင်းသား/ကျောင်းသူများအား စားသုံးသူကာကွယ်ရေး အသိပညာပေး ဟောပြောဆွေးနွေးခဲ့ပါသည်။
ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မြို့နယ်တာဝန်ခံဦးလေးလွင်မှ စားသုံးသူရေးရာဦးစီးဌာန၏ရည်မှန်းချက်၊ မျှော်မှန်းချက်များ၊ စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်များ၏ တာဝန််များ၊ တားမြစ်ချက်များ၊ ပြစ်မှုပြစ်ဒါဏ်များအားရှင်းလင်း ဆွေးနွေးခဲ့ပြီးစားသုံးသူကာကွယ်ရေးဥပဒေ ၂၀၁၉ ပါ ပြဌာန်းချက်မှ အခန်း(၁၈)ပါ ပုဒ်မ(၄၃)အရ မည်သည့်စီးပွားရေးလုပ်ငန်းရှင်မဆို ပုဒ်မ(၄၁) ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့)တစ်ခုထက် ပို၍တွဲလျှက်ဖြစ်စေ ရေးသားဖော်ပြရမည်၊ ဥပဒေအခန်း(၁၂)ပါ ပုဒ်မ(၂၄)နှင့် (၂၅)အရ ကုန်စည်နှင့် စပ်လျဉ်း၍ အာမခံပေးထားမှုအပေါ် စားသုံးသူကတောင်းဆိုပိုင်ခွင့်များ ၊ ဥပဒေအခန်း(၁၄) ပုဒ်မ (၂၇)အရ ဝန်ဆောင်မှုလုပ်ငန်းများ၏ အာမခံချက်နှင့်စပ်လျဉ်း၍ စားသုံးသူကတောင်းဆိုပိုင်နိုင်သည့် အခွင့်အရေးများ တောင်းဆိုနိုင်ကြောင်း ကျောင်းသား/သူများသိရှိနားလည်စေရန် ရှင်းလင်း
ဆွေးနွေးဟောပြောခဲ့ပါသည်၊ ဟောပြောပွဲသို့ ဆရာ/ဆရာမ (၃၆)ဦး၊ ကျောင်းသား/သူ(၄၀၀)ဦး စုစုပေါင်း(၄၃၆)ဦး တက်ရောက်ခဲ့ကြောင်းသိရှိရပါသည်။
DOCA(ဧရာဝတီ)