စီးပွားရေးနှင့် ကူးသန်းရောင်းဝယ်ရေးဝန်ကြီးဌာနနှင့် မြန်မာနိုင်ငံဆီကုန်သည်နှင့်ဆီ လုပ်ငန်းရှင်အသင်းတို့ပူးပေါင်းစီစဉ်မှုဖြင့် စားအုန်းဆီများအား စားသုံးသူပြည်သူများသက်သာ သည့်စျေးနှုန်းဖြင့် ဝယ်ယူရရှိနိုင်ရေးအတွက် ဆောင်ရွက်ပေးလျက်ရှိကြောင်းသိရှိရပါသည်။ ၎င်းစားအုန်းဆီများကို မြန်မာတစ်နိုင်ငံလုံးအတွက် မြန်မာနိုင်ငံဆီကုန်သည်နှင့်ဆီလုပ်ငန်းရှင် အသင်းမှ ခွဲတမ်းဖြင့်ပြန်လည်ရောင်းချပေးလျက်ရှိပြီး (၁၂.၈.၂၀၂၂)ရက်နေ့တွင် မြိတ်ခရိုင် အတွက် စားအုန်းဆီ ပေပါ (၃၆)ပေပါ၊ ပိဿာချိန် (၃၉၆၀) ပိဿာရရှိခဲ့ကြောင်း သိရှိရပါသည်။
အဆိုပါခွဲဝေရောင်းချပေးသောစားအုန်းဆီများကို မြိတ်ခရိုင်ဆီကုန်သည်များအသင်းမှ ၃၅၂၅ ကျပ်ဖြင့်ဝယ်ယူပြီး ရန်ကုန်မှ မြိတ်သို့ ကုန်လမ်းခရီးဖြင့် ပို့ဆောင်ခ ပေါင်းပြီး ၂ % အမြတ်တင်၍ တစ်ပိဿာလျင် ၃၉၀၀ ကျပ်ဖြင့် (၁၃.၈.၂၀၂၂)ရက်နေ့မှစ၍ မြိတ်မြို့နယ် (မြို့သစ်၊ တိုးချဲ့၊ တောရကျောင်း၊ တပ်ပြင်၊ ရေပုန်း၊ ပါရမီစျေး)တို့တွင် တစ်ရက်လျင် ပိဿာ ချိန် ၆၆၀ဖြင့် (၁၈.၈.၂၀၂၂)ရက်နေ့ထိ စျေးကားဖြင့် လှည့်လည်ရောင်းချပေးခဲ့ပြီး မြိတ်ခရိုင် စားသုံးသူရေးရာဦးစီးဌာနမှ ကွင်းဆင်းစိစစ်ကြပ်မတ်ခဲ့ကြောင်း သိရှိရပါသည်။
DOCA(တနင်္သာရီ)