စားသုံးသူရေးရာဦးစီးဌာန ၊ ဒိုက်ဦးမြို့နယ်တာဝန်ခံ ဦးမျိုးမြင့်သည် ဒိုက်ဦးမြို့နယ်တာဝန်ခံရုံးရှိ ဝန်ထမ်းများနှင့်အတူ သြဂုတ်လ ၂၃ ရက်နေ့ ၊ နေ့လည်ပိုင်းက ဒိုက်ဦးမြို့နယ်အတွင်း ရောင်းချလျက် ရှိသော စက်သုံးဆီအရောင်းဆိုင်များသို့ ကွင်းဆင်းစစ်ဆေးခဲ့ပါသည်။
မြို့နယ်တာဝန်ခံပါဝင်သော အဖွဲ့သည် ဒိုက်ဦးမြို့နယ်ရှိ စက်သုံးဆီအရောင်းဆိုင်များဖြစ်သော OK HTOO (2) ၊ OK HTOO (3) ဆိုင်များသို့ သွားရောက်၍ စက်သုံးဆီဈေးနှုန်းနှင့် လက်ကျန် အခြေအနေများကို ကွင်းဆင်းကြည့်ရှုစစ်ဆေးရာ သက်ဆိုင်ရာ မန်နေဂျာများက ရှင်းလင်း တင်ပြ ပါသည်။ OK HTOO (2) ၊ OK HTOO (3) စက်သုံးဆီဆိုင်များတွင် 92 တစ်လီတာလှျင် 2410 kyats ၊ 95 တစ်လီတာလျှင် 2495 kyats ၊ (ဒီဇယ်) တစ်လီတာလျှင် 2885 kyats ၊ (ပရီမီယာဒီဇယ်) တစ်လီတာလျှင် 2965 kyatsဖြင့် ရောင်းချနေကြောင်း တွေ့ရှိရပြီး မြို့နယ်တာဝန်ခံက စက်သုံးဆီ ပြတ်လပ်မှု မရှိစေရေးနှင့် ဈေးနှုန်းမြင့်တက်မှု မရှိစေရေးတို့အတွက် အရောင်းဆိုင်များအနေဖြင့် သက်ဆိုင်ရာမှ ထုတ်ပြန်ထားသော လုပ်ထုံးလုပ်နည်းများ၊ စည်းမျဉ်းစည်းကမ်းများနှင့်အညီ ဆောင်ရွက်ရေး ၊ စားသုံးသူ စိတ်ကျေနပ်မှု ရှိစေရေးအတွက် ဝန်ဆောင်မှုပေးရေး တို့ကို ဆွေးနွေးမှာကြားခဲ့ကြောင်း သိရှိရပါသည်။
DOCA(ပဲခူး)