ဈေးကွက်အတွင်း ပြည်သူများနေ့စဉ်ဝယ်ယူသုံးစွဲလျက်ရှိသော ဆေးနှင့်ဆေးပစ္စည်းများ ဈေးကွက်ပြတ်လပ်မှုမဖြစ်ပေါ်စေရေး၊ လွယ်ကူစွာဝယ်ယူရရှိနိုင်ရေးနှင့် အရောင်းဆိုင်များ နေ့စဉ် ပုံမှန် ဖွင့်လှစ်ရောင်းချစေရေးအတွက် ကွင်းဆင်းစစ်ဆေးအသိပညာပေးခြင်းအား ကုန်သွယ်မှုနှင့် ကုန်စည်စီးဆင်းမှုများ မှန်ကန်မြန်ဆန်စေရေးလုပ်ငန်းကော်မတီရုံးအဖွဲ့၊ စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးနှင့် ရန်ကုန်မြို့တော်စည်ပင်သာယာရေးကော်မတီ၊ ဈေးများဌာနမှ တာဝန်ရှိသူများ ဦးဆောင် သည့်အဖွဲ့(၅)ဖွဲ့သည် ၁၃.၈.၂၀၂၂ ရက်နေ့တွင် ဆေးနှင့်ဆေးပစ္စည်းများ လက်ကားဖြန့်ဖြူးရောင်းချ လျက်ရှိသည့် မင်္ဂလာတောင်ညွှန့်မြို့နယ်ရှိ ရွှေပြည့်စုံဈေး၊ ပန်းဘဲတန်းမြို့နယ်ရှိ ဗိုလ်ချုပ်ဈေးသစ်အပါအဝင် ခရိုင်များအတွင်းရှိ လက်လီလက္ကား ဆေးအရောင်းဆိုင်များကို ဆေးဆိုင်ဖွင့်လှစ်မှုများနှင့် ပတ်သက်၍ ကွင်းဆင်းစစ်ဆေးမှုများပြုလုပ်ရာတွင် သတ်မှတ်ဈေးပိတ်ရက်များမှအပ ကျန်နေ့များတွင် ဆေးဆိုင်များကို နေ့စဉ်ဖွင့်လှစ်ရောင်းချ ပေးလျက်ရှိပြီး ရောင်းချရန် လိုအပ်သည့် ဆေးနှင့်ဆေး ပစ္စည်းများအား တင်သွင်းဖြန့်ဖြူးလျက်ရှိသည့် ကုမ္ပဏီများထံမှ ပုံမှန်မှာယူရရှိလျက်ရှိကြောင်း စိစစ်တွေ့ရှိရသဖြင့် ဆေးနှင့်ဆေးပစ္စည်းများသည် အများပြည်သူများအတွက် အရေးကြီးသော ကုန်စည်များဖြစ်သဖြင့် သတ်မှတ်ရက်များ အတိုင်း ပုံမှန်ဖွင့်လှစ်ရောင်းချရန် အသိပညာပေးလုပ်ငန်းများကို ဆောင်ရွက်ခဲ့ပါသည်။
DOCA(ရန်ကုန်)