မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင်ဦးစီးမှူး ဒေါ်ဝါဝါမြိုင်နှင့် ဝန်ထမ်းများသည် ကျိုက်မရောမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ ၆.၉.၂၀၂၂ ရက်နေ့ နံနက် ၁၀:၀၀ နာရီအချိန်တွင် အ.ထ.က (ခွဲ) ကျိုက်မရောကျောင်းတွင် ကျောင်းသား/ကျောင်းသူများအား စားသုံးသူကာကွယ်ရေးဆိုင်ရာ အသိပညာပေးဟောပြောပွဲ ကျင်းပပြုလုပ်ခဲ့ကြောင်း သိရှိရသည်။
အဆိုပါဟောပြောပွဲတွင် ပြန်ကြားရေးနှင့်ပြည့်သူဆက်ဆံရေးဦးစီးဌာနမှ ဦးစီးအရာရှိ ဒေါ်ချိုမြတ်မြတ်ထွေး မှ လူကုန်ကူးမှုနှင့်ကလေးအလုပ်သမားများအကြောင်း ဟောပြောဆွေးနွေး ခဲ့ပါသည်။ ထို့နောက် စားသုံးသူ ရေးရာဦးစီးဌာန၊ မော်လမြိုင်မြို့ခရိုင်ဦးစီးမှူး ဒေါ်ဝါဝါမြိုင် က စားသုံးသူကာကွယ်ရေးဥပဒေအကြောင်း၊ စားသုံးသူများတိုင်ကြားနိုင်ရေးအတွက် CallCenter (1535) ကို ဖွင့်လှစ်ထားပြီးဖြစ်ပါကြောင်းနှင့် စားသုံးသူရေးရာဦးစီးဌာနသည် စားသုံးသူပြည်သူများ နစ်နာမှုမရှိစေရန် ဆောင်ရွက်ပေးလျှက်ရှိသည့် အခြေအနေများအား ဟောပြောဆွေးနွေးခဲ့ပြီး ဆက်လက်၍ စားသုံးသူရေးရာဦးစီးဌာန မွန်ပြည်နယ်ဦးစီးမှူးရုံးမှ အကြီးတန်းစာရေး ဦးနိုင်လင်းထက် မှ စားသုံးသူအခွင့်အရေး (၈) ချက်နှင့် တာဝန်များအကြောင်း၊ စားသုံးသူများအနေဖြင့် ကုန်စည်းများဝယ်ယူရာတွင် ကုန်အညွှန်းအမှတ်အသား ဖော်ပြပါရှိမှုအား အဓိကထား ဖတ်ရှုပြီးမှ ဝယ်ယူသင့်ကြောင်း ဆွေးနွေးဟောပြောခဲ့ပါသည်။
ထို့နောက် မော်လမြိုင်မြို့ခရိုင်ဦးစီးမှူး ဒေါ်ဝါဝါမြိုင်က ကျောင်းအုပ်ဆရာမကြီးထံ စားသုံးသူကာကွယ်ရေးဆိုင်ရာ လက်ကမ်းစာစောင်းများပေးဖြန့်ဝေခဲ့ပြီး အဆိုပါ ဟောပြောပွဲသို့ ဆရာ/ဆရာမနှင့် ကျောင်းသား/ သူ (၁၀၀)ဦးရေ တက်ရောက်ခဲ့ကြောင်း သတင်းရရှိပါသည်။
DOCA(မွန်)