ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးဦးမျိုးအောင်သည် ခရိုင်ဦးစီးမှူးရုံးမှ စားသုံး/ထုတ်လုံတာဝန်ခံနှင့် တောင်ငူမြို့နယ်တာဝန်ခံတို့နှင့်အတူ ဩဂုတ်လ ၂၉ ရက်နေ့က တောင်ငူမြို့ရှိ စားသုံးဆီအရောင်းဆိုင်များတွင် စားသုံးဆီပုံးများ တရားမဝင် ဝင်ရောက်မှု အခြေအနေနှင့် တရားဝင်တင်သွင်း ဖြန့်ဖြူးရောင်းချနေသည့် စားသုံးဆီများကို ကော်မတီမှ အပတ်စဉ်ထုတ်ပြန်ကြေညာလျှက်ရှိသည့် သတ်မှတ်ရည်ညွှန်း ဈေးနှုန်းအပေါ် ဒေသအလိုက် သယ်ယူပို့ဆောင်ခ ကုန်ကျစရိတ်များ ထပ်ပေါင်း၍ ဖြစ်သင့်ဖြစ်ထိုက်သည့် ဈေးနှုန်းများဖြင့် ရောင်းချခြင်းရှိ/မရှိ အခြေအနေများကို ကွင်းဆင်းစစ်ဆေးခဲ့ပါသည်။
စီးပွားရေးနှင့် ကူးသန်းရောင်းဝယ်ရေးဝန်ကြီးဌာနအနေဖြင့် ပြည်တွင်းသို့ တင်သွင်းလာ သည့် စားသုံးဆီများ သတ်မှတ်အရည်အသွေးများ ပြည့်မီရေး၊ ကျန်းမာရေးနှင့်ညီညွတ်ပြီး ဘေး အန္တရာယ်ကင်းရှင်းသည့် စားသုံးဆီများကို သုံးစွဲနိုင်ရေး၊ ဈေးကွက်အတွင်း ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးတို့အတွက် လုပ်ငန်းစဉ်များ ကြီးကြပ်စစ်ဆေးဆောင်ရွက်လျှက်ရှိပါ သဖြင့် ဈေးကွက်အတွင်း စားသုံးဆီပုံးများ တရားမဝင် ဝင်ရောက်မှုအခြေအနေနှင့် စားသုံးဆီများ ကို ဖြစ်သင့်ဖြစ်ထိုက်သည့် ဈေးနှုန်းများဖြင့် ရောင်းချမှုရှိ/မရှိ အခြေအနေများကို ကွင်းဆင်းစစ်ဆေး ခြင်း ဖြစ်ပါသည်။
တောင်ငူခရိုင်ဦးစီးမှူးဦးဆောင်၍ သက်ဆိုင်ရာမြို့နယ်များမှ မြို့နယ်တာဝန်ခံများသည် ဈေးကွက်အတွင်း စားသုံးဆီပုံးများ တရားမဝင်ဝင်ရောက်မှု မရှိစေရေးနှင့် စားသုံးဆီများအား ဖြစ်သင့်ဖြစ်ထိုက်သည့် ဈေးနှုန်းများဖြင့် ရောင်းချခြင်းရှိ/မရှိကို စစ်ဆေးဆောင်ရွက်လျှက်ရှိကြောင်း သိရပါသည်။
DOCA(ပဲခူး)