ပဲခူးတိုင်းဒေသကြီး၊ စားသုံးသူရေးရာဦးစီးဌာနမှ ပြည်ခရိုင်၊ ရွှေတောင်မြို့နယ် တာဝန်ခံ ဦးအောင်နိုင်ဦးနှင့် ဝန်ထမ်းများသည် (၇.၉.၂၀၂၂) နေ့ နံနက် (၉:၀၀)အချိန်တွင် ရွှေတောင်မြို့၊ အောင်မြေသာရပ်ကွက်၊ (အ.လ.က) ချည်မျှင်ကျောင်း၌ ရွှေတောင်မြို့နယ် ကျောင်းကျန်းမာရေးကော်မတီအဖွဲ့ဝင်များနှင့် ပူးပေါင်း၍ စားသုံးသူအသိပညာပေး ဟောပြောပွဲ ကျင်းပ ပြုလုပ်ခဲ့ပါသည်။
ထိုသို့ စားသုံးသူအသိပညာပေးဟောပြောပွဲတွင် စားသုံးသူရေးရာဦးစီးဌာန ရွှေတောင်မြို့ နယ်တာဝန်ခံ ဦးအောင်နိုင်ဦးမှ စားသုံးသူ၏ အဓိပ္ပါယ်၊ စားသုံးသူကာကွယ်ရေး လုပ်ငန်းများ အကြောင်း၊ အစားအသောက်နှင့် ကုန်စည်များကို ဘေးအန္တရာယ်ကင်းစွာ ဝယ်ယူစားသောက် တက်စေရန်၊ စားသုံးသူကာကွယ်ရေးဥပဒေတွင်ပါဝင်သော ကုန်အညွှန်းအမှတ်အသားပါ အချက်အလက်များကို ရှင်းလင်းဆွေးနွေးဟောပြောခဲ့ပါသည်။ အဆိုပါဟောပြောပွဲတွင် ကျောင်းသား/ ကျောင်းသူ (၂၀၀)ဦးနှင့် ဆရာ/ဆရာမ (၁၃)ဦး စုစုပေါင်း (၂၁၃)ဦးတက်ရောက်ခဲ့ကြောင်း သိရပါသည်။
DOCA(ပဲခူး)