ဧရာဝတီတိုင်းဒေသကြီး၊စားသုံးသူရေးရာဦးစီးဌာန၊ ဖျာပုံခရိုင်၊ ဘိုကလေးမြို့နယ်တာဝန်ခံနှင့် ဝန်ထမ်းတို့သည် စက်တင်ဘာလ (၉)ရက်နေ့တွင်သာပေါင်းကျေးရွာနေပြည်သူများကို စားသုံးသူရေးရာအသိပညာ ပေးဟောပြောပွဲကို ဘိုကလေးမြို့နယ် သာပေါင်းကျေးရွာအုပ်ချုပ်ရေးမှူးရုံးတွင်ပြုလုပ်ခဲ့ပါသည်။
အဆိုပါဟောပြောပွဲတွင် ဘိုကလေးမြို့နယ်တာဝန်ခံက စားသုံးသူကာကွယ်ရေးဥပဒေအကြေင်း အရာများမှ စားသုံးသူအခွင့်အရေးနှင့် တာဝန်များ၊ကုန်စည်ဝန်ဆောင်မှုနှင့်စပ်လျဉ်း၍ အာမခံပေးထား မှုအပေါ်စားသုံးသူကတောင်းဆိုနိုင်သည့် အခွင့်အရေးများ၊ မိမိတို့ဝယ်ယူစားသုံးနေသည့်ကုန်စည်ပေါ် တွင် ကုန်အညွှန်းအမှတ်အသားဖော်ပြချက်များ သိရှိစေရန်အတွက်လည်းကောင်း၊ ကုန်စည်ဝန်ဆောင် မှုနှင့်စပ်လျဉ်း၍ စားသုံးသူနစ်နာမှုတစ်စုံတစ်ရာရှိလာပါက အရေးဆိုတိုင်ကြားနိုင်သည့် စားသုံးသူ သတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာများဖြစ်သည့် စားသုံးသူရေးရာဦးစီးဌာန၊ ခရိုင်ဦးစီးမှူးရုံး၊ တိုင်းဒေသကြီးဦးစီးမှူးရုံးအပြင် Call Center 1535 သို့ဆက်သွယ်တိုင်းကြားနိုင် ကြောင်း၊ စားသုံးသူကာကွယ်ရေးကိစ္စရပ်များနှင့် ပတ်သက်၍သိလိုသည်များကိုလည်း ဆက်သွယ်မေးမြန်းနိုင်ပါကြောင်း အသိပညာပေးဟောပြောခဲ့ကြောင်းသိရှိရပါသည်။
DOCA(ဧရာဝတီ)