ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ကျိုက်လတ်မြို့နယ်တာဝန်ခံနှင့်ဝန်ထမ်းသည် ကျိုက်လတ် မြို့၊ အမှတ်(၆)ရပ်ကွက်ရှိ ငွေစင်္ကြာဆန်စက်မှ လုပ်သားများကို (၁၂. ၉. ၂၀၂၂)ရက်နေ့ (၁၃:၀၀) တွင်စားသုံးသူကာကွယ်ရေး အသိပညာပေးဟောပြောပွဲပြုလုပ်ခဲ့ပါသည်။
အဆိုပါဟောပြောပွဲတွင် ကျိုက်လတ်မြို့နယ်တာဝန်ခံက စားသုံးသူကာကွယ်ရေးဥပဒေ များထဲမှ စားသုံးသူအခွင့်အရေးများအကြောင်း၊ FDA မှထုတ်ပြန်ထားသည့် စားသုံးရန်မသင့်သောအသားလုံး၊ အသားချောင်း(၂၁)မျိုးအကြောင်း၊ လေဖောင်းမုန့်များတွင် မြန်မာစာပါသောမုန့်များသာ ဝယ်ယူစားသုံး ကြရန်နှင့် ကုန်စည်(သို့) ဝန်ဆောင်မှုအပေါ်တာဝန်ရှိမှု၊ ပြစ်မှု၊ ပြစ်ဒဏ်များအကြောင်းရှင်းလင်းဆွေးနွေး ပြောကြားခဲ့ပါသည်။
ဆက်လက်၍ ကုန်စည်ဝန်ဆောင်မှုနှင့်စပ်လျဉ်း၍ စားသုံးသူများနစ်နာမှုရှိလာပါကအရေး ဆိုတိုင်ကြားနိုင်သည့် Call Center 1535 သို့ဆက်သွယ်တိုင်ကြားနိုင်ကြောင်း၊ စားသုံးသူများသာမက၊ ကုန်စည်ဝန်ဆောင်မှုထုတ်လုပ်ဖြန့်ဖြူးရောင်းချနေသောလုပ်ငန်းရှင်များပါ စားသုံးသူကာကွယ်ရေးကိစ္စရပ်များနှင့် ပတ်သတ်၍သိရှိလိုသည်များကို မည်သူမဆို မေးမြန်းနိုင်ပါကြောင်း၊ စားသုံးသူ၏ နစ်နာဆုံးရှုံးမှုတစ်ရပ်ရပ်ကိုတိုင်ကြားလိုပါက လူကိုယ်တိုင်သော်လည်းကောင်း၊ လူထုဆက်သွယ်ရေးနည်းလမ်း တစ်ခုခုဖြင့်သော်လည်းကောင်း၊ သက်ဆိုင်ရာဦးစီးမှူးရုံးသို့ သက်သေခံအထောက်အထားနှင့် အတူတိုင်ကြားနိုင်ကြောင်းအသိပညာပေးဟောပြောခဲ့ပါသည်။
DOCA(ဧရာဝတီ)