ပြည်တွင်းစားသုံးဆီဖူလုံမှု ရှိစေရန် ဆောင်းသီးနှံ နေကြာများ စိုက်ပျိုးကြရန်နှင့် တောင်သူများ သိရှိနိုင်ပါရန် ဗဟုသုတအဖြစ် နေကြာသီးနှံမျိုးများ ရွေးချယ်စိုက်ပျိုးနိုင်ရန် တင်ပြပေးလိုက်ပါသည်။ နေကြာ သီးနှံ သီးသန့်စိုက်ပျိုးမည်ဆိုပါလျှင် မြေတစ်ဧကလျှင် နေကြာမျိုးစေ့ (၄)ပြည်နှုန်းနှင့် (၂) ပေခြား၍ တန်းကြားငယ်တစ်ခုတွင် ၂ စေ့ မှ ၃ စေ့ချ၍ စိုက်ပျိုးရပါမည်။ မတ်ပဲခင်းတွင် သီးညှပ်အဖြစ် စိုက်ပျိုးမည် ဆိုပါက ၁၀ ပေခြား၍ တွင်းငယ်တစ်ခုလျှင် အထက်ပါအတိုင်း ၂ စေ့မှ ၃စေ့ ချစိုက်ပျိုးရပါမည်။ မိုးကာလ အလွန်ဆောင်းကာလတွင် စိုက်ပျိုးရသည့်အတွက် ဝတ်မှုန်မအောင်ခြင်းလည်း လျော့နည်းစေပြီး အပွင့်ကို ငှက်များ အန္တာရာယ်မှ ကာကွယ်ရန်အတွက် စာခြောက်ရုပ်နှင့် ငှက်လန့်စေရန် ဆူညံသည့် အသံမည်ပစ္စည်း တပ်ဆင်ခြောက်လှန်ရန် စီစဉ်ရပါမည်။ နေကြာမျိုးစေ့ စိုက်ပျိုးရန်လိုအပ်သည့် တောင်သူများအတွက် မိမိတို့ မြို့နယ်များရှိ စိုက်ပျိုးရေးဦးစီးဌာနသို့ ဆက်သွယ်မှာယူပြီး မျိုးစေ့ ထုတ်ယူနိုင်ပါကြောင်းနှင့် မျိုးစေ့ တစ်ပြည်လျှင် ၄၀၀၀ ကျပ်နှုန်းဖြင့် (ရေဆင်းစပ်မျိုးနေကြာ-၁) ဖြင့် ရောင်းချပေးလျှက်ရှိကြောင်း စိုက်ပျိုးရေး ဦးစီးဌာနမှ သိရှိရပါသည်။
DOCA(ပဲခူး)