ပြည်ထောင်စုနယ်မြေ၊ စားသုံးသူရေးရာဦးစီးဌာန၊ နေပြည်တော်ဦးစီးမှူးရုံး၌ (၆/၂၀၂၂)ကြိမ်မြောက် နေပြည်တော်ဆီကုန်သည်နှင့်ဆီလုပ်ငန်းရှင်များ အသင်းလုပ်ငန်းညှိနှိုင်းဆွေးနွေးပွဲကို(၁၆-၉-၂၀၂၂) ရက်နေ့ နေ့လယ် (၁၃း၀၀)နာရီအချိန်တွင် ကျင်းပပြုလုပ်ခဲ့ရာ စားသုံးသူရေးရာဦးစီးဌာန၊ နေပြည်တော် ဦးစီးမှူး ဒေါက်တာဇော်လွင်ကဦးဆောင်၍ အသင်းသား (၂၄)ဦးအပါအဝင် စုစုပေါင်း (၃၁)ဦးတက် ရောက်ခဲ့ပါတယ်။
နေပြည်တော်ဦးစီးမှူးကအဖွင့်အမှာစကားပြောကြားရာတွင် “အသင်းသားများအားလုံး စည်း လုံးညီညွတ်စွာရောင်းချပေးသည့်အတွက် အထူးပင် ကျေးဇူးတင်ကြောင်း၊ ဆက်လက်ရောင်းချရန် အတွက် ဆီပမာဏ ပိုမိုရရှိရန် ဝန်ကြီးဌာနသို့ တင်ပြထားကြောင်း၊ အမှန်တကယ်လိုအပ်သည့်နေရာ များတွင်သာ ရောင်းချစေလိုကြောင်း၊ လုပ်ငန်းရှင်များအနေဖြင့် အခက်အခဲများရှိသည်ကို နားလည် ကြောင်း၊ ဌာနအနေဖြင့် လုပ်ငန်းရှင်များနှင့်ပူးပေါင်းကူညီဆောင်ရွက်သွားမည်ဖြစ်ကြောင်း” ပြော ကြားခဲ့ပါတယ်။
စားသုံးသူရေးရာဦးစီးဌာန၊ နေပြည်တော်ခရိုင်ဦးစီးမှူး ဦးခင်မောင်ဆွေက “ဆီရောင်းချမည့် အစီအစဥ်အား နေပြည်တော်ကောင်စီသို့ တင်ပြရမှာဖြစ်ကြောင်း၊ ဆီရောင်းချမှုစာရင်းတင်ပြရာတွင် သက်သေအထောက်အထားရှိရန်လိုအပ်သည့်အပြင် ဝယ်ယူသည့်ဈေးအပေါ် သယ်ယူစရိတ်အပါ အဝင် အထွေထွေစရိတ်များ ထပ်ပေါင်းပြီး ၂ % သာ တင်ရောင်းရန် သတ်မှတ်ထားကြောင်း၊ ဈေးပိုမိုရောင်းချလျှင် အရေးယူမှာဖြစ်ကြောင်း၊ ဆီရောင်းချမှုစာရင်းများ သေချာစွာတင်ပြရမှာ ဖြစ်ကြောင်း” ပြောကြားခဲ့ပါတယ်။
စားသုံးသူရေးရာဦးစီးဌာန၊ နေပြည်တော်ခရိုင်ဦးစီးမှူး ဒေါ်စောမာလာနွယ်က “အသင်းသား အသစ်များဝင်ရောက်မှုကြောင့် ဈေးကားရောင်းချမှုကို အစည်းအဝေးပြုလုပ်၍ ပြန်လည်ဆွေးနွေး မည်ဖြစ်ကြောင်း၊ ရောင်းချခြင်းမရှိသည့် အသင်းသားများကို အသင်းမှ ထုတ်ပယ်ခြင်းခံရမည်ကို ကြိုတင်အသိပေးပါကြောင်း” ပြောကြားခဲ့ပါတယ်။
ထို့နောက် တက်ရောက်လာကြသော ဆီလုပ်ငန်းရှင်များမှ အသင်းနှင့်ပတ်သက်သည့်ကိစ္စ များကို ဆွေးနွေးကြပြီး နေပြည်တော်ဦးစီးမှူးမှ “ လုပ်ငန်းများ ယခုထက် အောင်မြင်အောင်ဆောင် ရွက်ရမှာဖြစ်ကြောင်း၊ မိမိတို့ဌာနအနေဖြင့်လည်း အတတ်နိုင်ဆုံး ပူးပေါင်းဆောင်ရွက်သွားမည်ဖြစ် ကြောင်း၊ ယခုလို အသင်းသားများ စုံညီစွာ တက်ရောက်ပေးသည့်အတွက် အထူး ကျေးဇူးတင် ပါကြောင်း” နိဂုံးချုပ်အမှာစကားပြောကြားပြီး အစည်းအဝေးကို နေ့လည် (၁၄း၀၀) နာရီအချိန်တွင် ပြီးမြောက်ကြောင်း သတင်းရရှိပါသည်။
DOCA(ပြည်ထောင်စုနယ်မြေ)