စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့်သရက်ခရိုင်ဦးစီးမှူးတို့၏ လမ်းညွှန်မှုဖြင့် ခရိုင်ဦးစီးမှူးရုံးမှ ဝန်ထမ်းများနှင့် ကံမမြို့နယ်တာဝန်ခံ ဒေါ်နွဲ့ယဉ်ဝင်းသည် (၁၄.၉.၂၀၂၂)ရက်နေ့ နေ့လည်(၁၃:၀၀)နာရီအချိန်တွင် ကျောင်းသား/ ကျောင်းသူများအား စားသုံးသူအခွင့်အရေးအပြည့်အဝ ရရှိစေရေးနှင့် စားသုံးသူ စွမ်းဆောင်ရည်မြင့်မားစေရေး ရည်ရွယ်၍ ကံမမြို့နယ် ဂျွန်းတောင်ကျေးရွာရှိ အခြေခံပညာမူလတန်းလွန်ကျောင်း၌ စားသုံးသူကာကွယ်ရေး အသိပညာပေးဟောပြောပွဲ ကျင်းပပြုလုပ်ခဲ့ရာ ဆရာ/ဆရာမ(၅)ဦး၊ ကျောင်းသား/ ကျောင်းသူ(၇၀)ဦး တက်ရောက်ခဲ့ကြောင်း သိရပါသည်။
အဆိုပါအသိပညာပေးဟောပြောပွဲတွင် ကံမမြို့နယ်တာဝန်ခံဒေါ်နွဲ့ယဉ်ဝင်းမှ ဌာနဖြစ်ပေါ်လာပုံ သမိုင်းကြောင်းနှင့် ဌာန၏ရည်မှန်းချက်၊ မျှော်မှန်းချက်များ ၊စားသုံးသူများ၏ အခွင့်အရေးများနှင့် လိုက်နာရမည်တာဝန်များကို ရှင်းလင်းပြောကြားခြင်း၊ ဒုတိယဦးစီးမှူး ဒေါ်ရီရီထွေးမှ စားသုံးသူ၊ ကုန်စည်၊ ဝန်ဆောင်မှုနှင့် စားသုံးသူကာကွယ်ရေး အဓိပ္ပါယ်များအားရှင်းလင်း ပြောကြားပြီး ဒုတိယကြီးကြပ်ရေးမှူး ဦးကျော်ရွှေမှလည်း စားသုံးသူကာကွယ်ရေးဥပဒေ(၂၀၁၉) အခန်း(၁၈)ပါ ကုန်အညွှန်းအမှတ်အသားနှင့် စပ်လျဉ်းသည့် အကြောင်းအရာများ ၊ စားသုံးသူများမှ အခွင့်အရေးများ သိရှိပြီး နှစ်နာဆုံးရှံးမှုများရှိလျှင် တိုင်ကြားနိုင်ကြောင်းနှင့် တိုင်ကြားနိုင်သည့်နည်းလမ်းများအား အကျယ်တဝင့်ရှင်းလင်းဆွေးနွေးခဲ့ပြီး စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။
DOCA(မကွေး)