မွန်ပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူးသည် (၁၆.၉.၂၀၂၂) ရက်နေ့တွင် ပြည်တွင်းကုန်သွယ်ရေးဖွံ့ဖြိုးတိုးတက်မှုအတွက် မွန်ပြည်နယ်ရှိ ကွမ်းသီးလုပ်ငန်းရှင်များအား ပြည်နယ်ဦးစီးမှူးရုံးခန်း၌ တွေ့ဆုံဆွေးနွေးခဲ့သည်။
ထိုသို့ဆွေးနွေးရာတွင် ဒေသထွက်ကွမ်းသီးများ အခြားဒေသများသို့ သယ်ယူပို့ဆောင်ရာတွင် မလိုလားအပ်သောကြန့်ကြာမှုများ မဖြစ်ပေါ်စေရန်နှင့် ကုန်စည်စီးဆင်းမှု လျင်မြန်ချောမွေ့စေရေးအတွက် ကွမ်းသီးများသယ်ဆောင်ရာတွင် စည်ပင်လုပ်ငန်းလိုင်စင်၊ ပြည်တွင်းအခွန်များဦးစီးဌာနသို့ ကြိုတင်ခွန် ၂% ပေးဆောင်ထားသည့်အထောက်အထားနှင့် မွန်ပြည်နယ်ကွမ်းသီးစိုက်ပျိုး ထုတ်လုပ်တင်ပို့ရောင်းချသူများအသင်း၏ ဒေသထွက်ဖြစ်ကြောင်း ထောက်ခံချက်များ လိုအပ်ကြောင်းနှင့် ကွမ်းသီးယာဉ်များဖြတ်သန်း သွားလာခြင်းများအား သက်ဆိုင်ရာဌာနများမှ ကဏ္ဍအလိုက်စစ်ဆေးခြင်းများ ဆောင်ရွက်နိုင်ရန်အတွက် ဌာနအလိုက်စစ်ဆေးရမည့် အချက်များအပေါ် မူတည်၍ ဒေသအခြေအနေနှင့် ကိုက်ညီသည့် Standard Operating Procedures (SOPs) ရေးဆွဲဆောင်ရွက်သွားရန် ပြည်နယ်အစိုးရအဖွဲ့မှညွှန်ကြားထားသည့် ကိစ္စရပ်များကို တွေ့ဆုံဆွေးနွေးခဲ့ကြောင်း သိရှိရပါသည်။
DOCA(မွန်)