ရခိုင်ပြည်နယ်၊ စားသုံးသူရေးရာဦးစီးဌာန၊ စစ်တွေခရိုင်ဦးစီးမှူး ဦးဆောင်သော ဝန်ထမ်းများအဖွဲ့သည် ၁၉-၉-၂၀၂၂ရက်နေ့ နေ့လည်(၁:၃၀)နာရီတွင် စစ်တွေမြို့ လမ်းမတော်တောင်ရပ်ကွက်၊ အ.ထ.က(၃)စာသင်ကျောင်း၌ စားသုံးသူကာကွယ်ရေးအသိပညာပေး ဟောပြောဆွေးနွေးပွဲကျင်းပပြုလုပ်ခဲ့ပါသည်။
ရှေးဦးစွာ အ.ထ.က(၃)ကျောင်းအုပ်ဆရာကြီး ဦးလှမောင်သိန်းက ကျောင်းသား/သူများအား အစားအသောက်နှင့်ပတ်သက်၍ ဆောင်ရန်၊ရှောင်ရန်ကိစ္စများကို ဌာနမှပြောကြားချက်များအား ကြားနာမှတ်သားစေရေး အဖွင့်အမှာစကားပြောကြားပါသည်။
ထိုနောက် စားသုံးသူရေးရာဦးစီးဌာန၊ စစ်တွေခရိုင်ဦးစီးမှူး ဦးမောင်လှဝင်းက စားသုံးသူ ရေးရာဦးစီးဌာန၏ မျှော်မှန်းချက်(Vision)၊ ရည်မှန်းချက်(Mission)အနက် အဓိပ္ပါယ် ဖွင့်ဆိုချက်နှင့် ကျောင်းသား/သူများ အနေဖြင့်စားသုံးသူများ ဝယ်ယူရာတွင်၊ စားသုံးသူဥပဒေရေးရာ အခန်း(၁၈)၊ ပုဒ်မ(၄)ဖော်ပြချက်နှင့် ကိုက်ညီဖော်ပြထားသော စားသုံးကုန်များ ၊အလှကုန်များ ၊ဆေးဝါးများအား ဝယ်ယူသုံးစွဲရန်နှင့် ကုန်စည်သို့မဟုတ် ဝန်ဆောင်မှုနှင့်ပတ်သတ်၍ စားသုံးသူ၌ဆုံးရှုံးနစ်နာမှု များဖြစ်ပေါ်လာပါက ဌာနတွင်ဖွင့်လှစ်ထားသည့် Consumer Information and Complaint Center (CICC) ရုံးခန်းသို့ လာရောက်တိုင်ကြားနိုင်ကြောင်း ဆွေးနွေးပြောကြားခဲ့ပါသည်။ ဆက်လက်၍ မြို့နယ်တာဝန်ခံ ဦးသိန်းအောင်နှင့် ဦးဇော်မင်းဦး(ဒုဦးစီးမှုး)တို့က စားသုံးသူအခွင့်အရေး(၈)ချက်၊ စားသုံးသူ တာဝန်(၄)ချက်အား အကျယ်တဝင့် ရှင်းလင်းပြောကြားခဲ့ပြီး စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအား လေ့လာရန်နှင့် တိုင်ကြားလိုပါက www.doca.gov.mm Websiteနှင့် DOCA Myanmar Mobile Application တွင်လည်းကောင်း ဝင်ရောက်ကြည်ရှုနိုင်ကြောင်း၊ Consumer Call Center 1535 ကိုခေါ်ဆို၍ မေးမြန်းတိုင်ကြားနိုင်ကြောင်း ရှင်းလင်းဆွေးနွေးခဲ့ပြီးနောက် စားသုံးသူကာကွယ်ရေးဥပဒေစာအုပ် နှင့် စားသုံးသူအသိပညာပေးလက်ကမ်းစာစောင်များ ပေးအပ်ခဲ့ပါသည်။
ဟောပြောပွဲသို့ ကျောင်းအုပ်ဆရာကြီးနှင့် ဆရာ/ဆရာမ၊ ကျောင်းသား/သူ ဦးရေ စုစုပေါင်း(၁၅၀)ဦးခန့် တက်ရောက်ခဲ့ပြီး အခမ်းအနားအား နေ့လယ်(၃:၀၀)နာရီတွင် ရုပ်သိမ်းခဲ့ကြောင်း သိရှိရပါသည်။
DOCA(ရခိုင်)