ပဲခူးတိုင်းဒေသကြီး ၊ ညောင်လေးပင်ခရိုင် ၊ ဒိုက်ဦးမြို့နယ် ၊ ပနွတ်ကျေးရွာအုပ်စု ၊ နှင်းပုလဲကျေးရွာ ဓမ္မာရုံ၌ စက်တင်ဘာလ ၁၅ရက်နေ့တွင် စိုက်ပျိုးရေး ၊ မွေးမြူရေးနှင့် ကုန်ထုတ်လုပ်မှု ဖွံ့ဖြိုးတိုးတက်ရေး နည်းပညာပေးသင်တန်းဆွေးနွေးပွဲ ကျင်းပပြုလုပ်ခဲ့ပါသည်။
အဆိုပါဆွေးနွေးပွဲတွင် ဒိုက်ဦးမြို့နယ် ၊ အုပ်ချုပ်ရေးမှူးက အဖွင့်အမှာစကား ပြောကြားခဲ့ပြီးနောက် လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန ၊ ဒိုက်ဦးမြို့နယ်ဦးစီးမှူး ၊ မြို့နယ်ရဲတပ်ဖွဲ့မှူး ၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန ၊ လက်ထောက်ညွှန်ကြားရေးမှူး ၊ မွေးမြူရေးနှင့် ကုသရေး ဦးစီးဌာန ၊ လက်ထောက်ညွှန်ကြားရေးမှူး ၊ ကျေးလက်လမ်းဦးစီးဌာန ၊ မြို့နယ်ဦးစီးမှူး ၊ စက်မှု လယ်ယာ ဦးစီးမှူး ၊ စားသုံးသူရေးရာဦးစီးဌာန ၊ ဒိုက်ဦးမြို့နယ်တာဝန်ခံ ၊ ဆည်မြောင်းဦးစီးအရာရှိ နှင့် စိုက်ပျိုးရေး ဦးစီးဌာန မှ မြို့နယ်ဦးစီးမှူးတို့မှ တက်ရောက်ခဲ့ကြပြီး မိမိတို့ဌာနများ၏ သက်ဆိုင်ရာ ကဏ္ဍအလိုက် ဆောင်ရွက်နေမှု အခြေအနေများအား ရှင်းလင်း ပြောကြားပြီး ဆွေးနွေးပွဲသို့ တက်ရောက်လာကြသော တောင်သူများမှ သိရှိလိုသည်များမေးမြန်းခဲ့၍ ဌာနဆိုင်ရာများမှ ပြန်လည်ရှင်းလင်း ဆွေးနွေးခဲ့ကြောင်း သိရှိရပါသည်။
DOCA(ပဲခူး)