ထားဝယ်မြို့တွင် မိသားစုစားဝတ်နေရေးအတွက် ပန်းမျိုးစုံရောင်းချခြင်းလုပ်ငန်း လုပ်ကိုင်ကြ ရာတွင် နှင်းဆီပန်းအရောင်မျိုးစုံ၊ နှင်းပန်း၊ ဂန္ဓမာပန်း၊ အောင်သပြေပန်း၊ အာစီယံသပြေပန်း၊ သစ္စာပန်း၊ စံပါယ်ပန်း၊ ဇွန်ပန်း ဂမုန်းပန်း စသည်တို့ကိုလည်း ရောင်းချကြပါသည်။ ပန်းတိမ်ငိုသည် မွှေးကြိုင်နေသော အဆင်းအနံ့ ရှိသည့် အတွက် လူတိုင်းကကြိုက်နှစ်သက်ကြပြီး ရောင်းကောင်း သည့် ပန်းတစ်မျိုး လည်းဖြစ်ပါသည်။ ပန်းတိမ်ငိုများကို ရန်ကုန်မြို့တို့မှ မှာယူရောင်းချရပါကြောင်း စည်ပင်သာယာဈေးအတွင်း ပန်းမျိုးစုံရောင်းချနေသူ တစ်ဦးထံမှ သိရှိရပါသည်။
ယခု စက်တင်ဘာလတွင် ပန်းတိမ်ငို(အဖြူရောင်/ခရမ်း)ဈေးနှုန်းအနေဖြင့် ပန်း(၁၀)ခက်ပါ တစ်စီးလျှင် (၈၀၀၀)ကျပ်ဈေးနှုန်းဖြင့် ရောင်းချလျက်ရှိပြီး ပန်းတိမ်ငိုပန်းသည် ရာသီကုန်ခါနီး၍ ဈေးအနည်းငယ်မြင့်တက်ပြီး အရောင်းအဝယ်ဖြစ်လျက် ရှိပါကြောင်း သိရသည်။
DOCA(တနင်္သာရီ)