ရခိုင်ပြည်နယ် စားသုံးသူရေးရာဦးစီးဌာန အမ်းခရိုင် အမ်းမြို့နယ်တာဝန်ခံ ဦးအောင်မင်းခိုင် (ဒု-ဦးစီးမှူး)နှင့် ဝန်ထမ်းများသည် (၃၀-၉-၂၀၂၂)ရက်နေ့ နံနက်(၁၀:၀၀)နာရီ အချိန်တွင် အမ်းမြို့ အမှတ်(၅)ရပ်ကွက် ဦးသစ်လွင် ပိုင်ဆိုင်သော U Maw Family Co.ltd မှ Best Fly တံဆိပ်ပါ သောက်ရေသန့်ထုတ်လုပ်သော စက်ရုံသို့ သွားရောက်ပြီး ထုတ်ကုန်လုံခြုံစိတ်ချ ရမှုရှိစေရေး ဘေးအန္တရာယ်ကင်းသော ကုန်ပစ္စည်း ထုတ်လုပ်ရောင်းချရေးနှင့် သောက်ရေသန့်ဗူး ပေါ်တွင်ဖော်ပြထားသည့် ကုန်အညွှန်းအမှတ်အသား များ ပြည့်စုံစွာဖော်ပြစေရန် ရည်ရွယ်၍ သွားရောက်စစ်ဆေးခဲ့ပါသည်။
ထိုသို့စစ်ဆေးရာတွင် ဦးအောင်မင်းခိုင်မှ စားသုံးသူရေးရာဦးစီးဌာန၏ ၂၀၁၉ စားသုံးသူ ကာကွယ်ရေးပြဌာန်းချက်အရ လုပ်ငန်းရှင်များ လိုက်နာဆောင်ရွက်ရမည့်တာဝန်များ၊ ကုန်ပစ္စည်းများ ထုတ်လုပ်ဖြန့်ဖြူး ရောင်းချရာတွင် မြန်မာနိုင်ငံ စားသုံးသူကာကွယ်ရေးကော်မရှင်၏ ၂/၂၀၁၉ အရ ကုန်စည် အုပ်စု(၈)မျိုးအလိုက် ကုန်ပစ္စည်းအမျိုးအစားအလိုက် မြန်မာဘာသာဖြင့် ဖော်ပြရမည့် ကုန်အညွှန်း အမှတ်အသားများနှင့်ပတ်သက်၍ သိရှိစေရေးရှင်းလင်းပြောကြားပြီး သောက်ရေ သန့်ဗူးပေါ်တွင် ကုန်စည်၏အမျိုးအမည်၊ အသားတင်ပမာဏ၊ ထားသိုသိမ်းဆည်းမှုအညွှန်များအား မြန်မာဘာသာဖြင့် ဖော်ပြရန်လိုအပ်ခြင်း၊ အကယ်၍ လိုက်နာဆောင်ရွက်ခြင်း မရှိပါက ၂၀၁၉ စားသုံးသူ ကာကွယ်ရေးဉပဒေအရ အရေးယူဆောင်ရွက်နိုင်ပါကြောင်း၊ ၎င်းအပြင် သက်ဆိုင်ရာအစိုးရဌာနများ၏ ထောက်ခံချက်များ ရယူရန်လိုအပ်ကြောင်း၊ စက်ရုံပတ်ဝန်ကျင်သန့်ရှင်းရေး၊ ရေစီးရေလာ ကောင်းမွန်ရေး၊ အလုပ်သမားများ၏ တကိုယ်ရေးသန့်ရှင်းမှုရှိစေရေး၊ သောက်ရေသန့်ဗူးများ သန့်ရှင်မှုရှိစေရေး အလေးထားဆောင်ရွက်ရန် အသိပညာပေးဆွေးနွေးခဲ့ကြောင်း သိရှိရပါသည်။
DOCA(ရခိုင်)