စားသုံးသူရေးရာဦးစီးဌာန၊ ပြည်ထောင်စုနယ်မြေ၊ နေပြည်တော်ဦးစီးမှူးရုံးမှ ဦးဆောင်၍ ၂၀၂၂ခုနှစ်၊ စက်တင်ဘာလ ၃၀ ရက်နေ့၊ နံနက် (၁၀း၀၀)နာရီအချိန်တွင် နေပြည်တော်ကောင်စီ၊ အစည်းအဝေးခန်းမ(၂)၌ စားသုံးသူရေးရာကော်မတီ (၂/၂၀၂၂)ကြိမ်မြောက် လုပ်ငန်းညှိနှိုင်းအစည်း အဝေးကို ကော်မတီဝင်(၉)ဦးဖြင့် ကျင်းပ ပြုလုပ်ခဲ့ပါတယ်။
နေပြည်တော်စားသုံးသူရေးရာကော်မတီ ဥက္ကဌ၊ နေပြည်တော်ကောင်စီဝင်၊ ဦးဇေယျာလင်းက အဖွင့်အမှာစကားပြောကြားရာတွင် “နေပြည်တော်စားသုံးသူရေးရာကော်မတီကို ၁၃-၁၀-၂၀၂၂ ရက်စွဲပါ အမိန့်အမှတ် (၁၅၃/၂၀၂၂)တွင် အဖွဲ့ဝင်(၉)ဦးဖြင့် ဖွဲ့စည်းထားကြောင်း၊ နည်းဥပဒေ မှာတော့ ကော်မတီအစည်းအဝေးကို အနည်းဆုံး သုံးလ တစ်ကြိမ် ကျင်းပပြုလုပ်ရမှာဖြစ်ကြောင်း၊ လိုအပ်ပါက အထူးအစည်းအဝေး ကျင်းပပြုလုပ်မှာဖြစ်ကြောင်း၊ စားသုံးသူရေးရာဦးစီးဌာနအနေဖြင့် စားသုံးသူအသိပညာပေးရေးနှင့် စားသုံးသူကာကွယ်ရေးလုပ်ငန်းများကို နိုင်ငံအဝန်း ကျယ်ကျယ် ပြန့်ပြန့် ဆောင်ရွက်လျက်ရှိကြောင်း” ပြောကြားခဲ့ပါတယ်။
ဆက်လက်၍ အတွင်းရေးမှူး၊ ဒေါက်တာဇော်လွင်က ယခင်အစည်းအဝေးဆုံးဖြတ်ချက်များ နှင့်ပတ်သက်၍ ဆောင်ရွက်ပြီးစီးမှုအခြေအနေများနှင့် ယခုအစည်းအဝေး အမှာစာ(၄)ခု ဖတ်ကြား ရှင်းလင်းခဲ့ကြောင်း၊ တိုင်ကြားမှု၊ ဈေးကွက်လေ့လာစောင့်ကြည့်စစ်ဆေးမှုအခြေအနေများကို တင်ပြ ဆွေးနွေးခဲ့ပါတယ်။
ထို့နောက် ကော်မတီဝင်များမှ အထွေထွေကိစ္စရပ်များ ညှိနှိုင်းဆွေးနွေးပြီး ဥက္ကဌက စားသုံးသူကာကွယ်ရေးလုပ်ငန်းများ ဆောင်ရွက်ရာတွင် ကော်မတီဝင်များအနေဖြင့် ပူးပေါင်း ဆောင်ရွက်သွားရမှာဖြစ်ကြောင်း နိဂုံးချုပ်အမှာစကားပြောကြားပြီး အစည်းအဝေးကို နံနက်(၁၁း၃၀)အချိန်တွင် ပြီးမြောက်ကြောင်း သတင်းရရှိပါတယ်။
DOCA(ပြည်ထောင်စုနယ်မြေ)