ရန်ကုန်တိုင်းဒေသကြီး၊ စားသုံးသူရေးရာ ဦးစီးဌာန၊ တိုင်းဒေသကြီးဦးစီးမှူးရုံး၊ အစည်းအဝေးခန်းမ၌ ဝန်ထမ်းများ လုပ်ငန်းခွင်အတွင်း ဗဟုသုတတိုးပွားစေရန် ရည်ရွယ်လျက် ၂၀၂၂ ခုနှစ်အောက်တိုဘာလ(၆) ရက်နေ့ နေ့လယ် (၁၃:၀၀)နာရီအချိန်တွင် “တိုင်ကြားမှုများကို လက်ခံဖြေရှင်းဆောင်ရွက်ခြင်းဆိုင်ရာ လုပ်ထုံးလုပ်နည်းများ” ခေါင်းစဉ်ဖြင့် ကြာသပတေးနေ့စကားဝိုင်း (Thursday Talk) ဆွေးနွေးပွဲ ကျင်းပပြုလုပ်ခဲ့ရာ၊ ရန်ကုန်တိုင်းဒေသကြီးဦးစီးမှူးရုံးမှ ဒုတိယတိုင်းဦးစီးမှူး၊ ဦးရွှေဖြူနှင့် အရာထမ်း/အမှုထမ်း စုစုပေါင်း(၃၀)ဦးခန့် တက်ရောက်ကြပါသည်။
အဆိုပါ Thursday Talk အသိပညာပေးဆွေးနွေးပွဲတွင် ဒုတိယတိုင်းဒေသကြီးဦးစီးမှူးမှ အဖွင့်အမှာစကားပြောကြားခဲ့ပြီး ရန်ကုန်တိုင်းဦးစီးမှူးရုံး၊ ထုတ်ကုန်လုံခြုံစိတ်ချရမှုဌာနခွဲမှ ဒေါ်သင်းစံပယ်ဦး(ဒု-ကြီးကြပ်ရေးမှူး) မှ “တိုင်ကြားမှုများကို လက်ခံဖြေရှင်းဆောင်ရွက်ခြင်း ဆိုင်ရာလုပ်ထုံးလုပ်နည်းများ” နှင့်စပ်လျဉ်း၍ ရှင်းလင်းဆွေးနွေးရာတွင် စားသုံးသူ၏ အခွင့်အရေးများ၊ ဘယ်သူတွေက တိုင်ကြားနိုင်သလဲ၊ တိုင်ကြားနိုင်သည့် နည်းလမ်းများ တိုင်းကြားနိုင်သည့် နေရာများ၊ စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေး စင်တာ(CICC)များ ဖွင့်လှစ်ထားရခြင်း၏ ရည်ရွယ်ချက်များ၊ တိုင်ကြားမှုလက်ခံဆောင်ရွက်ခြင်း နည်းလမ်းအဆင့်ဆင့်နှင့် စားသုံးသူကာကွယ်ရေးဥပဒေဆိုင်ရာ လုပ်ထုံးလုပ်နည်းများကို ရှင်းလင်းဆွေးနွေးခဲ့ရာ Thursday Talk တက်ရောက်သည့် ဝန်ထမ်းများမှလည်း သိလိုသည်များကို မေးမြန်းကြ၍ အပြန်အလှန်ဆွေးနွေးခဲ့ခြင်းနှင့် ဆွေးနွေးပေးသည့် ဝန်ထမ်းအား ဆုချီးမြှင့်ခြင်းများ ပြုလုပ်ကာ အခမ်းအနားကို ပိတ်သိမ်းခဲ့ကြောင်း သိရှိရပါသည်။
DOCA(ရန်ကုန်)