နေပြည်တော်၊ (၁၄-၁၀-၂၀၂၂)
ပြည်တွင်းဆီစက်များကို အဆင့်မီစက်ပစ္စည်းများ တိုးချဲ့တပ်ဆင်ခြင်း၊ ခေတ်မီဆီစက် အသစ်များ ထပ်မံတည်ဆောက်ခြင်းနှင့် လက်ရှိဆီစက်များ အဆင့်မြှင့်တင်ခြင်းတို့ကို ဆောင်ရွက်ရန် အတွက် ရင်းနှီးမြှုပ်နှံမှု လိုအပ်ချက်များကို ဖြည့်ဆည်းပေးနိုင်ရန် ရည်ရွယ်၍ “ချေးငွေစိစစ်ကြီးကြပ် ရေးနှင့် စောင့်ကြည့်လေ့လာသုံးသပ်ရေးအဖွဲ့” ၏ ပထမအကြိမ် လုပ်ငန်းညှိနှိုင်းအစည်းအဝေးကို ၂၀၂၂ ခုနှစ်၊ အောက်တိုဘာလ ၁၃ ရက်နေ့၊ နေ့လယ် ၂:၀၀ နာရီတွင် စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရုံးအမှတ် (၅၂) အစည်းအဝေးခန်းမ၌ Virtual Meeting ဖြင့် ကျင်းပပြုလုပ်ခဲ့ပါသည်။ အဆိုပါ အစည်းအဝေးသို့ “ချေးငွေစိစစ်ကြီးကြပ်ရေးနှင့် စောင့်ကြည့်လေ့လာသုံးသပ်ရေးအဖွဲ့” မှ အတွင်းရေးမှူး၊ စားသုံးသူရေးရာဦးစီးဌာနမှ ဒုတိယ ညွှန်ကြားရေးမှူးချုပ် အပါအဝင် အဖွဲ့ဝင်များ တက်ရောက်ခဲ့ပါသည်။
အဆိုပါအစည်းအဝေးတွင် “ချေးငွေစိစစ်ကြီးကြပ်ရေးနှင့် စောင့်ကြည့်လေ့လာသုံးသပ် ရေးအဖွဲ့” မှ အတွင်းရေးမှူး၊ စားသုံးသူရေးရာဦးစီးဌာနမှ ဒုတိယ ညွှန်ကြားရေးမှူးချုပ်က ပုဂ္ဂလိက လုပ်ငန်းများ ဖွံ့ဖြိုးတိုးတက်ရေးအတွက် ဆောင်ရွက်ရာတွင် ပြည်တွင်းဆီစက်များ အဆင့်မြှင့်တင် နိုင်ရေးအတွက် လိုအပ်သည့် ရင်းနှီးမြှုပ်နှံငွေများ ထောက်ပံ့ပေးနိုင်ရန်လိုအပ်သည်ဖြစ်ရာ ဦးဆောင် ဆောင်ရွက်မည့် ဆီစက်လုပ်ငန်းများဖွံ့ဖြိုးရေးချေးငွေစီမံခန့်ခွဲမှုလုပ်ငန်းအဖွဲ့အောက်တွင် အထောက် အကူပြုအဖွဲ့(၄)ဖွဲ့ ဖွဲ့စည်းထားပါကြောင်း၊ အဆိုပါအထောက်အကူပြုအဖွဲ့များအနက် ချေးငွေစိစစ် ကြီးကြပ်ရေးနှင့် စောင့်ကြည့်လေ့လာသုံးသပ်ရေးအဖွဲ့အနေဖြင့် ချေးငွေရယူမှု၊ ထိရောက်စွာအသုံးချ မှုနှင့် သတ်မှတ်ချိန်အတွင်း ချေးငွေပြန်လည်ပေးဆပ်မှုနှင့်စပ်လျဉ်း၍ ရေးဆွဲချမှတ်ထားသော လုပ်ငန်းစဉ်များ၊ သတ်မှတ်ချက်များနှင့် ကိုက်ညီမှုရှိစွာ ဆောင်ရွက်နိုင်ခြင်းရှိမရှိအပေါ် စောင့်ကြည့် လေ့လာသုံးသပ်ကြရမည်ဖြစ်ပါကြောင်း၊ ချမှတ်ထားသည့် လုပ်ငန်းတာဝန်များအား ထိထိရောက် ရောက် အကောင်အထည်ဖော် ဆောင်ရွက်နိုင်ရေး သက်ဆိုင်ရာဌာနအလိုက်သော်လည်းကောင်း၊ အခြားဌာန/ အဖွဲ့အစည်းများနှင့်သော်လည်းကောင်း ပေါင်းစပ်ညှိနှိုင်းဆောင်ရွက်သွားမည် ဖြစ်ပါ ကြောင်းပြောကြားခဲ့ပြီး ချေးငွေစိစစ်ကြီးကြပ်ရေးနှင့် စောင့်ကြည့်လေ့လာသုံးသပ်ရေးအဖွဲ့၊ အဖွဲ့ဝင် များက အသီးသီး ပြန်လည် ဆွေးနွေးခဲ့ကြကြောင်း သတင်းရရှိပါသည်။
DOCA (ITQM)