ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်ဦးစီးမှူးရုံး၊ ခရိုင်ဦးစီးမှူး ဦးဇော်လင်းအောင်၊ ဒု-ခရိုင်ဦးစီးမှူးဦးမိုးမင်းသန်းနှင့် မြို့နယ်ဦးစီးမှူးဦးလှထွဋ်ဦးတို့သည် (၅.၁၀.၂၀၂၂)ရက်နေ့ နံနက်(၀၈:၀၀)နာရီက မြောင်းမြမြို့ စက်မှုဇုံရှိ ဦးဇော်မျိုးကြည် ပိုင် ခိုင်ဖြိုးကျော်ဆန်စက်တွင် ထုတ်လုပ်ဖြန့်ဖြူးနေသော စပါးခွံလောင်စာတောင့် စက်ရုံသို့သွားရောက် ၍ SME စက်မှုလက်မှုလုပ်ငန်း ဖွံ့ဖြိုးတိုးတက်ရေးအတွက် ကွင်းဆင်းလေ့လာဆောင်ရွက်ခဲ့ပါသည်။
ထိုသို့ကွင်းဆင်းလေ့လာဆောင်ရွက်ရာတွင် ခရိုင်ဦးစီးမှူးမှ ကုန်သွယ်မှုဖွံ့ဖြိုးတိုးတက်ရေးကို ရည်ရွယ်၍ စွန့်ပစ်ကုန်ကြမ်းပစ္စည်းများအား ထင်းအစားထိုးလောင်စာ လူသုံးကုန်စပါးခွံလောင်စာ တောင့်များထုတ်လုပ်ဖြန့်ဖြူးနေမှုအား အထူးပင်အားပေးပါကြောင်း၊ စပါးခွံများမြစ်၊ ချောင်းအတွင်း သို့စွန့်ပစ်ခြင်းများ မပြုရတော့ပဲ ကုန်ကြမ်းမှ ကုန်ချောထုတ်လုပ်မှုသည်လည်း သဘာဝပတ်ဝန်း ကျင်ထိန်းသိမ်းရေးဖြစ်ပါကြောင်း ပြောကြားပြီး၊ စပါးကြိတ်ခွဲမှုမှထွက်ရှိသော စပါးခွံများအား ထင်းအစားထိုးလောင်စာ စပါးခွံလောင်စာတောင့် ထုတ်လုပ်ပုံအဆင့်ဆင့်အား ဆက်လက်လေ့လာ ဆောင်ရွက်မှုအရ တစ်နေ့လျှင်စပါးခွံများအား (၃)နာရီကြိတ်ခွဲပြီး၊ (၁)နာရီအနားပေး၍ နံနက်ပိုင်းမှ စတင်ကြိတ်ခွဲထုတ်လုပ်ပြီး ညနေထိ ကြိတ်ခွဲထုတ်လုပ်မှု(၃)ကြိမ် ထုတ်လုပ်ခဲ့ပါသည်။ (၁)နာရီ ကြိတ်ခွဲထွက်ရှိမှုမှာ စပါးခွံလောင်စာတောင့် (၁.၅)တန်ထွက်ရှိပြီး၊ တစ်နေ့လျှင်(၁၃.၅)တန် ထွက်ရှိ ကြောင်းသိရှိရပြီး၊ ထွက်ရှိသောစပါးခွံလောင်စာတောင့်များအား ပြည်တွင်းဈေးကွက်နှင့်ပြည်ပ ဈေးကွက်သို့ တင်ပို့ရောင်းချကြောင်း သိရှိရပါသည်။
DOCA(ဧရာဝတီ)