ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဒု-ခရိုင်ဦးစီးမှူး ဦးအောင်ဇော်ဦးနှင့် ဝန်ထမ်းများသည် (၄.၁၀.၂၀၂၂)နေ့တွင် မအူပင်မြို့ပေါ်ရှိ စက်သုံးဆီဆိုင်များဖြစ်သော Denko၊ Tiger ၊ ရတနာ ကောင်းကင်၊ MM နှင့် ကြည်လွင် စက်သုံးဆီဆိုင်များသို့ ကွင်းဆင်းစစ်ဆေး ဆောင်ရွက်ခဲ့ပါသည်။
အဆိုပါကွင်းဆင်းစစ်ဆေးမှုတွင် ဒေသတွင်း စက်သုံးဆီများပြတ်လပ်မှုမရှိစေရေး၊ အချိန် အတွယ် ပြည့်ဝမှုရှိစေရေးနှင့် စက်သုံးဆီအရည်အသွေးပြည့်ဝမှုရှိစေရေးတို့ကို ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။
အလားတူပင် စားသုံးသူရေးရာဦးစီးဌာန၊ ညောင်တုန်းမြို့နယ်တွင် စက်သုံးဆီဆိုင် (၆)ဆိုင်၊ ပန်းတနော်မြို့နယ်မှ စက်သုံးဆီဆိုင် (၅)ဆိုင်၊ ဓနုဖြူမြို့နယ်မှ စက်သုံးဆီဆိုင် (၄)ဆိုင်တို့အား မြို့နယ် ဦးစီးမှူးများက စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေး ကော်မတီမှ အချိန် နှင့်တပြေးညီ ထုတ်ပြန်လျှက်ရှိသော သတ်မှတ်ရည်ညွှန်းဈေးနှုန်းဖြင့် ရောင်းချမှု ရှိ/မရှိကို သွားရောက် စစ်ဆေးခဲ့ကြောင်း သတင်းရရှိပါသည်။
DOCA(ဧရာဝတီ)