ကယားပြည်နယ်၊စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဝန်ထမ်းများသည် ၂၀၂၂ ခုနှစ်၊ အောက်တိုဘာလ(၁၂)ရက်နေ့၊ နေ့လယ်(၁၃:၀၀)နာရီအချိန်တွင် လွိုင်ကော်မြို့၊ ဒေါဥခူရပ်ကွက် ရှိ မြန်မာ့ဆက်သွယ်ရေးလုပ်ငန်း၌ ဝန်ထမ်းစုစုပေါင်း(၃၀)ဦးကို စားသုံးသူကာကွယ်ရေးအကြောင်း အသိပညာပေးဟောပြော ဆွေးနွေးခဲ့ပါသည်။
အဆိုပါဟောပြောပွဲတွင် စားသုံးသူရေးရာဦးစီးဌာန၊ ဦးမိုးညွန့်ဦး(ဦးစီးအရာရှိ)က စားသုံးသူ ကာကွယ်ရေးဥပဒေပါ စားသုံးသူအခွင့်အရေးများနှင့် တာဝန်များကိုလည်းကောင်း၊ စီးပွားရေး လုပ်ငန်းရှင်များ လိုက်နာရမည့် တာဝန်များကိုလည်းကောင်း၊ ကုန်စည်( သို့ )ဝန်ဆောင်မှုကို ဝယ်ယူ သုံးစွဲခြင်းကြောင့် နစ်နာဆုံးရှုံးမှု နှင့် စပ်လျဉ်း၍ စားသုံးသူဘက်မှ တောင်းဆိုနိုင်သည့် အချက်များ ကိုလည်းကောင်း၊စီးပွားရေးလုပ်ငန်းရှင်မှ ကုန်စည်ဝန်ဆောင်မှုနှင့်စပ်လျဉ်း၍ အာမခံချက် ပေးနိုင် မည့်အချက်များကို လည်းကောင်း၊ ကုန်စည်(သို့)ဝန်ဆောင်မှုနှင့်စပ်လျဉ်း၍ အာမခံပေးထားမှုအပေါ် စားသုံးသူများ တောင်းဆိုနိုင်သည့် အခွင့်အရေးများကိုလည်းကောင်း၊ ကုန်အညွှန်းအမှတ်အသားနှင့် စပ်လျဉ်း၍ ကုန်ပစ္စည်းများ ဝယ်ယူသုံးစွဲခြင်းမပြုမီ သတိပြုရမည့် အချက်များကိုလည်းကောင်း၊ ကြော်ငြာခြင်းဆိုင်ရာ တားမြစ်ချက်များကို လည်းကောင်း၊ လိမ်လည်လှည့်ဖြားခြင်းဆိုင်ရာ တားမြစ် ချက်များကို လည်းကောင်း၊ အရောင်းမြှင့်တင်ခြင်းဆိုင်ရာ တာမြစ်ချက်များကို လည်းကောင်း၊ ထင် ယောင်ထင်မှား ဖြစ်စေခြင်းဆိုင်ရာ တားမြစ်ချက်များကို လည်းကောင်း၊ စားသုံးသူများ နစ်နာဆုံးရှုံး မူများရှိပါကစားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးဌာနသို့ လူ ကိုယ်တိုင်ဖြစ်စေ၊ Website မှဖြစ်စေ၊ Doca Myanmar application များမှဖြစ်စေ ဆက်သွယ် တိုင်ကြားနိုင်ပါကြောင်း ၊ Consumer call center ၁၅၃၅ နံပါတ်များသို့ ခေါ်ဆို၍ ဆက်သွယ်စုံစမ်းမေးမြန်းနိုင်ပါကြောင်း ရှင်းလင်းပြောကြားခဲ့ရာ တက်ရောက်လာသော ဝန်ထမ်းများကလည်း သိရှိလိုသည်များကို အပြန်အလှန်မေးမြန်းခဲ့ကြပြီး အသိပညာပေး လက်ကမ်းစာစောင်များ ပေးအပ် ဆောင်ရွက်ခဲ့ကြောင်း သတင်းရရှိပါသည်။
DOCA(ကယား)