![](http://www.doca.gov.mm/sites/default/files/styles/consumer_inner_image__847x424_/public/Mon 8.jpg?itok=QePWO9Kn)
မွန်ပြည်နယ်၊စားသုံးသူရေးရာဦးစီးဌာနမှ ဝန်ထမ်းများသည် ၂၀၂၂ ခုနှစ် စက်တင်ဘာလ၌ မွန်ပြည်နယ်အတွင်းရှိ မော်လမြိုင်၊ မုဒုံ၊ ချောင်းဆုံ၊ သထုံ၊ ပေါင်၊ ဘီးလင်းမြို့နယ်(၆)မြို့နယ်တွင် စားသုံးသူကာကွယ်ရေး အသိပညာပေး ဟောပြောခဲ့ကြောင်းသိရသည်။ ဟောပြောပွဲများကို ကျင်းပရာတွင် အရာရှိဝန်ထမ်း၊ အမှုထမ်းများက အခြေခံပညာစာသင်ကျောင်း(၉)ကျောင်း၊ Talk Show (၁)ကြိမ် စုစုပေါင်း (၁၀)ကြိမ်၊ လူဦးရေ (၁၆၅၃)ဦး တို့ကို ဟောပြောခဲ့ပါကြောင်း သိရပါသည်။ ဟောပြောပွဲတွင် တက်ရောက်သူများ နားလည်လွယ်သော ပုံစံများနှင့် Power Point တို့ဖြင့် ဟောပြောခြင်း၊ လက်ကမ်းစာစောင်များဖြန့်ဝေပေးခြင်း၊ ဘေးအန္တရာယ်ကင်းရှင်းသည့် စားသုံးသူများ ဖြစ်စေရေးအတွက် မျှော်မှန်းချက်ဖြစ်သော “စားသုံးသူများလုံခြုံစိတ်ချရမှုရှိစေရေး” ကို အကောင်အထည်ဖော်ဆောင်ရွက်လျက်ရှိပါကြောင်း၊ စားသုံးသူအခွင့်အရေးများ ရယူခွင့်ကို သိရှိစေလိုကြောင်း ဟောပြောခဲ့ပါသည်။ နောက်လများတွင်လည်း စားသုံးသူကာကွယ် ရေးအသိပညာပေး ဟောပြောပွဲများကို နေရာဒေသစုံစွာတွင် ဆက်လက် ဆောင်ရွက်သွား မည် ဖြစ်ကြောင်း သိရှိရပါသည်။
DOCA(မွန်)