ကျောက်မဲခရိုင်၊ နောင်ချိုမြို့၊ ညံတောအုပ်စု၊ နောင်လင်ကျေးရွာတွင် ပြောင်းသီးနှံ(၂၀)ဧက၊ မြေပဲ သီးနှံ(၃၈)ဧကနှင့် ပတ်သက်၍ စိုက်ပျိုးထုတ်လုပ်နေမှု၊ ထွက်ရှိမှု၊ တင်ပို့/ရောင်းချမှု၊ စိုက်ပျိုးသည်မှထွက်ရှိ သည်အထိကုန်ကျမှုနှင့် ဈေးနှုန်း/ဈေးကွက်အခြေအနေများကို စိုက်ပျိုးတောင်သူထံမှ သိရှိခဲ့ရပါသည်။
ယခုနှစ်သည် ယခင်နှစ်များထက် ပြောင်း/မြေပဲသီးနှံစိုက်ပျိုး ကုန်ကျစရိတ်မှာ မြင့်မားလာခြင်း ဖြစ်ကြောင်းသိရှိရပါသည်။ ထွက်ရှိမှုမှာ ခန့်မှန်းပျမ်းမျှပြောင်းတစ်ဧကလျှင်(၁၀၀၀)ပိဿာ၊ မြေပဲတစ်ဧလျှင် (၅၁)တင်းထွက်ရှိပြီး တင်ပို့ရောင်းချမှုမှာဒေသတွင်းရှိစားသုံးသူများနှင့် ပိုလျှံမှုများအား တရုတ်ပြည်သို့ တင်ပို့ရောင်းချကြောင်း သိရှိရပါသည်။ စိုက်ပျိုးရာတွင် အသုံးပြုသော ဓာတ်မြေဩဇာ၊ ပိုးသတ်ဆေး၊ ပေါင်းသတ်ဆေးဈေးနှုန်းနှင့် လုပ်အားလခမှာလည်း ယခင်နှစ်ထက် မြင့်တက်နေခြင်းကြောင့် အကျိုး အမြတ်ရရှိမှုမှာ အနည်းငယ်သာရှိကြောင်း သိရှိရပါသည်။
ဈေးနှုန်း/ဈေးကွက်အခြေအနေအရ လက်ရှိပြောင်းဈေးနှုန်းမှာ ပြောင်းအစို (၁)ပိဿာလျှင် (၆၃၀ မှ ၆၅၀)ကျပ်၊ ပြောင်းအခြောက်(၁)ပိဿာလျှင်(၈၀၀မှ ၉၀၀)ကျပ်ဖြစ်ပြီး မြေပဲဈေးနှုန်းများမှာ သီးနှံပေါ်ချိန် မဟုတ်သေးသောကြောင့် ဈေးနှုန်းမှာမသိရှိရသေးကြောင်း သီးနှံဈေးနှုန်းများမှာလည်း အချိန်နှင့်အမျှ ပြောင်းလဲ လျက်ရှိကြောင်းသိရှိရပါသည်။
DOCA(ရှမ်း)