မွန်ပြည်နယ်၊ စားသုံးသူရေးရာ ဦးစီးဌာန၊ ပြည်နယ်ဦးစီးမှူးရုံးမှဒေါ်ခင်ကြည်ဒုတိယဦးစီးမှူးနှင့် အကြီးတန်းစာရေးဒေါ်အိအိစမ်းတို့သည် ၂၀၂၂ခုနှစ် အောက်တိုလာလ ၂၁ ရက်နေ့၊ နံနက် ၁၁:၃၀ နာရီအချိန်တွင် မော်လမြိုင်ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးမှ ဦးစီးအရာရှိ ဒေါ်ခင်စန်းဝင်းနှင့် ပူးပေါင်း၍ လူထုအခြေပြုဗဟိုဌာန (Community Center)၌ စားသုံးသူကာကွယ်ရေးအသိပညာပေး (Talk Show) ကျင်းပပြုလုပ်ခဲ့ကြောင်း သိရပါသည်။
အဆို ပါ Talk Showတွင် ဒုတိယဦးစီးမှူး ဒေါ်ခင်ကြည်က ဆွေးနွေးခဲ့ရာ စားသုံးသူရေးရာ ဦးစီးဌာန၏လုပ်ငန်းဆောင်ရွက်ချက်များ၊ စားသုံးသူကာကွယ်ရေးလုပ်ငန်းများ၊ ပြည်တွင်းကုန်သွယ် မှုဖွံ့ဖြိုးရေးလုပ်ငန်းများ၊ စားသုံးသူအခွင့်အရေးရရှိရေးအသိပညာပေးခြင်း၊ စားသုံးသူကာကွယ်ရေး ဥပဒေ၂၀၁၉ အကြောင်းအရာနှင့်စားသုံးသူများကုန်စည်နှင့်ဝန်ဆောင်မှုသုံးစွဲရာတွင် ဘေးအန္တရာယ် ကင်းရှင်းရေး၊ စိတ်ချလုံခြုံမှုရှိစေရေး ဈေးကွက်စောင့်ကြည့်လု်ပငန်း အကြောင်းများနှင့် စားသုံးသူ များအတွက် စားသုံးသူကိစ္စရပ်များအသိပညာပေးခြင်းကို သိရှိပြီး နစ်နာဆုံးရှုံးမှုရှိလျင် တိုင်ကြား နိုင်သည့်နည်းလမ်းများ၊ တိုင်ကြားနိုင်သည့်နေရာတို့အား အသေးစိတ် ဆွေးနွေးခဲ့ပါသည်။ ယခုလို Talk Show အစီအစဉ်ဖြင့်လည်း စားသုံးသူများအတွက် ကျယ်ကျယ် ပြန့်ပြန့် သိရှိစေရန် ရည်ရွယ်၍ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်စားသုံးသူရေးရာ ဦးစီးဌာနတို့ ပူးပေါင်း ဆောင်ရွက် သည့် စားသုံးသူကာကွယ်ရေးအသိပညာပေး ဆွေးနွေးပွဲဖြစ်ကြောင်း သိရပါသည်။
DOCA(မွန်)