စီးပွားရေးနှင့်းကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင် ဦးစီးမှူးရုံးအနေဖြင့် စားသုံးသူများဘေးအန္တရာယ်ကင်းရှင်းရေးနှင့် ထုတ်ကုန်များလုံခြုံစိတ်ချရမှုရှိစေရေး အတွက် စီးပွားရေးလုပ်ငန်းရှင်များ၊ အသင်းအဖွဲ့များနှင့် တွေ့ဆုံ၍ ဆွေးနွေးခြင်းများ စဉ်ဆက်မပြတ် ဆောင်ရွက်လျှက်ရှိပါသည်။
အောက်တိုဘာလ(၁၃)ရက်နေ့၊ နေ့လယ် (၁၂:၀၀)နာရီအချိန်တွင် ရွှေဘိုခရိုင် စားသုံးသူရေးရာဦးစီး ဌာနရှိ ခရိုင်ဦးစီးမှူးရုံးခန်းတွင် ခရိုင်ဦးစီးမှူးနှင့် ဒု-ခရိုင်ဦးစီးမှူးတို့သည် ရွှေဘိုခရိုင် ရေသန့်လုပ်ငန်းရှင်များ အသင်းဥက္ကဌဖြစ်သည့် နိုင်ရာဂရာရေသန့်လုပ်ငန်းရှင် ဦးထက်ဝေဖြိုးနှင့် တွေ့ဆုံ၍မေးမြန်း ဆွေးနွေးခဲ့ရာ ၎င်းမှ မိမိ၏နိုင်ရာဂရာရေသန့်လုပ်ငန်းသည် ရွှေဘိုမြို့ စက်မှုဇုန်တွင် တည်ရှိ၍ လက်ရှိအချိန်တွင် လုပ်သား (၂၅)ဦးအသုံးပြု၍ ၀.၃၅လီတာ၊ ၀.၆လီတာ၊ တစ်လီတာ၊ နှစ်ဆယ်လီတာဗူးများ ထုတ်လုပ်ဆောင်ရွက်လျှက်ရှိပြီး End User လက်ထဲအရောက် အရောင်းအဝယ် ဖြစ်သည့် ဈေးနှုန်းများမှာ ၀.၃၅လီတာဗူး(၁၅)လုံးပါ တစ်ကဒ်လျှင်(၂၄၀ဝိ/-)ဖြင့်လည်းကောင်း၊ ၀.၆ လီတာဗူး(၈)လုံးပါတစ်ကဒ် လျှင်(၁၈၀ဝိ/-)ဖြင့်လည်းကောင်း၊ တစ်လီတာဗူး(၆)လုံးပါတစ်ကဒ်လျှင် (၁၆၀ဝိ/-)ဖြင့်လည်းကောင်း၊ နှစ်ဆယ်လီတာ တစ်ဗူလျှင်(၆၀ဝိ/-)ကျပ်ဖြင့်လည်းကောင်း ရောင်းချ ပေးလျှက်ရှိကြောင်း၊ ဈေးကွက်အနေဖြင့် ရွှေဘိုမြို့ပေါ်နှင့်အနီးတစ်ဝိုက်မှ လာရောက်ဝယ်ယူ ကြကြောင်း၊ ယခုလက်ရှိ အချိန်၌ ဈေးကွက်အတွင်းတွင် မိမိစက်ရုံထုတ် ရေသန့်ဗူးခွံများမဟုတ်သည့် အခြားစက်ရုံထုတ်ရေသန့် ဗူးခွံများရှိ အမှတ်တံဆိပ်များကိုခွာပြီး မိမိတံဆိပ်များကပ်၍ ရောင်းချခြင်းများရှိနေသဖြင့် ရေသန့်လုပ်ငန်းရှင်အချင်းချင်း စည်းကမ်းရှိရှိစောင့်ထိန်းဆောင်ရွက် နိုင်စေရန် စားသုံးသူရေးရာဦးစီးဌာနမှ ဥပဒေဖြင့် ထိန်းကျောင်းပေးစေလိုကြောင်း၊ ရေသန့်လုပ်ငန်း ရေရှည်ဖွံ့ဖြိုးတိုးတက်ရေးအတွက် မိမိအနေဖြင့် လုပ်ငန်းရှင်တစ်ဦးဖြစ်သည့်အပြင် ခရိုင်ရေသန့်အသင်း’ ၏ ဥက္ကဌလည်းဖြစ်သည့်အတွက်သက်ဆိုင်သည့် ဌာနများနှင့် မျက်ခြေမပြတ်ချိတ်ဆက်၍ ပူးပေါင်း ဆောင်ရွက်သွားမည်ဖြစ်ကြောင်းပြောကြားခဲ့ကြောင်း သိရပါသည်။
DOCA(စစ်ကိုင်း)