ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဖျာပုံမြို့နယ်တာဝန်ခံသည် ဖျာပုံမြို့နယ်စီမံအုပ်ချုပ်ရေးအဖွဲ့နှင့်အတူ ကျန်းမာရေး၊ စိုက်ပျိုးရေး၊ ပညာရေးဌာနတို့နှင့်အတူ ကျောင်းကုန်းကျေးရွာအုပ်စု မြက်ခါးကျေးရွာသို့ အောက်တိုဘာလ( ၁၈ )ရက် နေ့တွင်လိုက်ပါ၍ သက်ဆိုင်ရာဌာနအလိုက် ကျေးရွာနေပြည်သူများအား အသိပညာပေးဟောပြော ခဲ့ကြပါသည်။
အဆိုပါအသိပညာပေးဟောပြောပွဲ ကိုကျေးရွာ ဘုန်းတော်ကြီးကျောင်းတွင်ပြုလုပ်ခဲ့ကြပြီး စားသုံးသူရေးရာဦးစီးဌာနမှမြို့နယ်တာဝန်ခံ ဦးမင်းဇော်က စားသုံးသူရေးရာဦးစီးဌာနတွင်စားသုံးသူ ကာကွယ်ရေးဥပဒေ၊ နည်းဥပဒေများရှိပါကြောင်း၊ ဥပဒေပါပြဌာန်းချက်များအရ စားသုံးသူအခွင့် အရေးရှိသကဲ့သို့လိုက်နာရမည့်တာဝန်များရှိပါကြောင်း၊ ဥပဒေပါအခန်း(၁၈)ပုဒ်မ(၄၁)(၄၃)တွင်ကုန် အညွှန်းအမှတ်အသားဖော်ပြခြင်းဆိုင်ရာများ မျှင်ငါးပိများတွင်ဓာတုဆိုးဆေးများမသုံးစွဲရန်နှင့်သုံးစွဲ ပါက FDA ဥပဒေအရလည်းကောင်း၊စားသုံးသူကာကွယ်ရေးဥပဒေအရသော်လည်းကောင်းအရေးယူ ဆောင်ရွက်သွားမည်ဖြစ်ကြောင်း၊လွန်ခဲ့သောနှစ်ရက်က ကဒုံကနိကျေးရွာရွာသို့ FDA နှင့်ပူးပေါင်း၍ ခရိုင်ဦးစီးမှူးကိုယ်တိုင် မျှင်ငါးပိ လုပ်ငန်းများသို့ကွင်းဆင်းစစ်ဆေးခဲ့ပြီးမျှင်ငါးပိနမူနာများယူ၍FDA မှဓာတ်ခွဲစစ်ဆေးဆောင်ရွက်နေပါကြောင်း၊ ပြည်သူများအနေဖြင့် စားသုံးသူအခွင့်အရေးဆုံးရှုံးနစ်နာမှုများရှိပါက တိုင်ကြားနိုင်ပါကြောင်း၊ တိုင်ကြားနိုင်သည့် ဖုန်းနံပါတ်များ၊ ရုံးနေရာများကို လက်ကမ်း စာစောင်များတွင် ပါရှိပါကြောင်း ဟောပြောပါသည်။
ထိုအသိပညာပေးဟောပြောပွဲသို့ မြက်ခါးကျေးရွာနေပြည်သူ(၁၁၅)ဦးတက်ရောက်ပြီးတက် ရောက်လာသူများအား စားသုံးသူရေးရာဦးစီးဌာန၏ ကြီးကြပ်မှု၊မြို့နယ် ဆန်စက်၊ ဆန်ကုန်သည်အသင်း၊ မြို့နယ်ဆီလုပ်ငန်းရှင်များအသင်းတို့၏ ကူညီမှုဖြင့်အခြေခံပြည်သူများအား ဆန်တစ်ပြည် (၁၅၀၀)ကျပ်၊စားအုန်းဆီတစ်ပိဿာ(၄၂၀၀)ကျပ်တို့ဖြင့် ရောင်းချပေးလျက်ရှိကြောင်း သိရသည်။
DOCA(ဧရာဝတီ)