ငါန်းဇွန်မြို့နယ် ၂၀၂၅-၂၀၂၆ ခုနှစ်တွင် ဆောင်းပဲလွမ်းကို လျာထားဧက(၃၅၄၀) ရှိပြီး အောက်တိုဘာလကုန်ထိ စိုက်ပျိုးပြီးစီးမှုမှာ (၁၁၃၅)ဧက ရှိကြောင်း သိရသည်။ ယခင်နှစ် လျာထား ဧက(၃၆၄၀)ဧက၊ စိုက်ပျိုးဧက (၂၁၂၇)၊ အထွက်နှုန်းမှာ(၁၀.၅၀)တင်းနှင့် အထွက်တင်းပေါင်း (၂၂၃၃၄) တင်းရှိကြောင်း သိရသည်။ စိုက်ပျိုးသောမျိုးများမှာ ထွက်တိုးဖြူ မျိုးကိုသာ အဓိကစိုက်ပျိုးကြောင်း၊ မြစ်ကမ်းဘေးကျေးရွာများအပြင် မိုးကောင်းရေသောက်ကုန်းမြေများတွင်လည်း စိုက်ပျိုးကြောင်း၊ ယခင်နှစ် ပဲလွမ်းဈေးနှုန်းမှာ တစ်ပိဿာလျှင် (၃၈၀၀/၄၀၀၀)ကျပ်ရှိပြီး စိုက်ပျိုးမှုများသော ကျေးရွာ များမှာ မြစ်ရိုးတစ်လျှောက်ကျေးရွာများဖြစ်သည့် သားကျင်၊ ရေလည်သောင်၊ ကုလားရွာ၊ မြောက်ကျွန်း၊ ထနောင်းပင်၊ အောက်ရိုး၊ ကံဘို၊ ဆူးဖြူကုန်း၊ သံကုန်း၊ တောင်ကုန်း စသည်တို့ဖြစ်ပြီး၊ ရောင်းချမှုအနေဖြင့် မန္တလေးမြို့၊ တံတားဦးမြို့များသို့ တင်ပို့ရောင်းချကြောင်း သိရသည်။
DOCA (မန္တလေး)