စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင် ဦးစီးမှူးရုံးအနေဖြင့် စားသုံးသူများအား စားသုံးသူကာကွယ်ရေးနှင့်စပ်လျဉ်း၍ အသိပညာပေးဗဟု သုတများရရှိစေရန် စားသုံးသူကာကွယ်ရေးအသိပညာပေးဟောပြောပွဲများ ဆောင်ရွက်လျက်ရှိရာ ၂၀၂၂ခုနှစ်၊ အောက်တိုဘာလ ၂၆ရက်နေ့ နံနက် (၁၁:၀၀)အချိန်တွင် ဝက်လက်မြို့နယ်၊ အမှတ်(၁)၊ အခြေခံပညာအလယ်တန်းကျောင်းတွင် စားသုံးသူကာကွယ်ရေး အသိပညာပေးဟောပြောပွဲ ကျင်းပ ခဲ့ပါသည်။
အဆိုပါ ဟောပြောပွဲတွင် ဝက်လက်မြို့နယ်တာဝန်ခံဦးမျိုးအောင်မှ စားသုံးသူရေးရာဦးစီး ဌာနပေါ်ပေါက်လာပုံ၊ မိမိတို့စားသုံးသူရေးရာဦးစီးဌာန (DOCA) ကို အစားအသောက်နှင့် ဆေးဝါး ကွပ်ကဲရေးဦးစီးဌာန(FDA) ဌာနဟု ထင်သူများ၊ ကွဲကွဲပြားပြား မသိသေးသူများအတွက် ဌာန(၂)ခု၏ ခြားနားချက်များ၊ စားသုံးသူရေးရာဦးစီးဌာန၏ Vision၊ Missionများ၊ ပြည်သူတိုင်းသည် စားသုံး သူဖြစ်ကြောင်း၊ စားသုံးသူတိုင်းတွင် စားသုံးသူအခွင့်အရေးများရှိကြောင်း၊ စားသုံးသူ၏ အခွင့်အရေး များကို အပြည့်အဝကာကွယ်နိုင်ရန်အတွက် စားသုံးသူကာကွယ်ရေး ဥပဒေကိုပြဌာန်းထားကြောင်း၊ စားသုံးသူ၏ အဓိပ္ပာယ်ဖွင့်ဆိုချက်များ၊ စားသုံးသူကာကွယ်ရေးဥပဒေပါ စားသုံးသူ၏အခွင့်အရေးများ၊ ဥပဒေအခန်း(၁၈)ပါ ကုန်အညွှန်းအမှတ်အသားအကြောင်းများ၊ မိမိတို့အသုံးပြုမည့် ကုန်ပစ္စည်းများ ရွေးချယ်ဝယ်ယူရာတွင် ဥပဒေအခန်း (၁၈)ပါ ကုန်အညွှန်းအမှတ်အသားများနှင့် ပြည့်စုံမှ ဝယ်ယူရမည်ဖြစ်ကြောင်း အသိပညာပေးခဲ့ပြီး ဟောပြောပွဲသို့ ကျောင်းသား/ ကျောင်းသူ (၆၀)ဦး နှင့် ဆရာ/ ဆရာမ(၅)ဦး တက်ရောက်ခဲ့ကြောင်းနှင့် အသိပညာပေး လက်ကမ်းစာစောင် (၆၅)စောင် ဖြန့်ဝေခဲ့ကြောင်း သတင်းရရှိပါသည်။
DOCA(စစ်ကိုင်း)