မွန်ပြည်နယ်၊စားသုံးသူရေးရာဦးစီးဌာန၊ ပြည်နယ်ဦးစီးမှူးရုံး၌ ၂၇.၁၀.၂၀၂၂ ရက်နေ့ နေ့လယ် (၁၃:၀၀) နာရီတွင် ဝန်ထမ်းစွမ်းဆောင်ရည်မြှင့်တင်ရေးအထောက်အကူပြုဆွေးနွေးပွဲ (Thursday Talk) (၄/၂၀၂၂) ကျင်းပပြုလုပ်ခဲ့ရာ စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံးနှင့် မော်လမြိုင်ခရိုင်ရုံးမှ ဝန်ထမ်းများ စုစုပေါင်း (၂၇) ဦး တက်ရောက်ခဲ့ပါသည်။
ပထမဦးစွာ ပြည်နယ်ဦးစီးမှူးက အဖွင့်အမှာစကားပြောကြားရာတွင် ယခုကဲ့သို့ Thursday Talk ပြုလုပ်ခြင်းဖြင့် မိမိတို့ လက်တွေ့ဆောင်ရွက်နေသော လုပ်ငန်းတွင် မြေပြင်ကွင်းဆင်းဆောင်ရွက်ရာ၌ ကြုံတွေ့ရသော အခက်အခဲများအား Thursday Talk တွင် ဆွေးနွေးနိုင်ကြောင်း၊ ဝန်ထမ်းများအနေဖြင့် မိမိ ဘာသာရပ်များကို ကျွမ်းကျင်ရန် လိုအပ်ကြောင်း၊ ကျောင်းများ၊ စီးပွားရေးလုပ်ငန်းရှင်များ၊ ပြည်သူလူထု တို့အား အသိပညာပေးဟောပြောရာတွင် အများစိတ်ဝင်စားပြီး မိမိပေးလိုသော သတင်းအချက်အလက်များကို ထိရောက်စွာဟောပြောနိုင်ရန် လိုအပ်ကြောင်း၊ စားသုံးသူ ထိခိုက်နစ်နာမှုကြောင့် တိုင်ကြားမှုများ ဖြစ်လာလျှင် စေ့စပ်ညှိနှိုင်းခြင်းကို ဖြေရှင်းဆောင်ရွက်တတ်ရန်လိုအပ်ကြောင်း ဆွေးနွေးခဲ့ပါသည်။
ထို့နောက် စားသုံးသူရေးရာဦးစီးဌာန မုဒုံမြို့နယ်တာဝန်ခံ၊ ချောင်းဆုံမြို့နယ်တာဝန်ခံ၊ ငွေစာရင်းဌာနမှ ဝန်ထမ်းများက မိမိတို့ဘာသာရပ်အလိုက် လုပ်ငန်းဆောင်ရွက်မှုအခြေအနေများအား ဆွေးနွေး ခဲ့ကြပါသည်။ အဆိုပါ “ဝန်ထမ်းစွမ်းဆောင်ရည်မြှင့်တင်ရေးအထောက်အကူပြုဆွေးနွေးပွဲ(Thursday Talk)” ကို နှစ်ပတ်တစ်ကြိမ် ကျင်းပပြုလုပ်လျက်ရှိကြောင်း သိရှိရပါသည်။
DOCA(မွန်)