မန္တလေးတိုင်းဒေသကြီး ၊ ကျောက်ဆည်ခရိုင်သည် ဆည်ရေသောက်ဖြစ်ပြီး စပါး၊ပဲ၊ပြောင်း၊ နှမ်း စသည့်သီးနှံမျိုးစုံနှင့် ဟင်းသီးဟင်းရွက် သစ်သီးဝလံများအပြင် အလေ့ကျပေါက်ရောက်လေ့ရှိ ပါသည်။ ယခုအခါပျိုးပင်အရောင်းဆိုင်များမှာ ကြောင်လျှာပျိုးပင်များကို တစ်ပင်လျှင် (၁၀၀၀-၁၅၀၀) ကျပ်ဖြင့် ရောင်းဝယ်လျက်ရှိပြီး နေရာမရွေးစိုက်ပျိုးနိုင်ပါသည်။ ကြောင်လျှာပွင့်၏ အရသာသည် စိမ့်ဖန်ခါးသောအရသာရှိပြီး ကြောင်လျှာပွင့်ကို ရေးနွေးဖြင့်ပြုတ်၍ အသုပ်ပြုလုပ် စားသုံးနိုင်ကြောင်း၊ အတို့အမြှုပ်အဖြစ် စားသုံးနိုင်ကြောင်း၊ ကြောင်လျှာပွင့်ကိုစားသုံးဖြင်းဖြင့် နားမကြားမှုကို သက်သာပျောက်ကင်းစေကြောင်း၊ ကြောင်လျှာပွင့် စျေးနှုန်းအနေဖြင့် ကြောင်လျှာပွင့်အခြောက် တစ်ပြည်လျင်(၁၅၀၀/-)ကျပ်၊ နှစ်ပြည်လျင်(၂၅၀၀/-)ကျပ်၊ ကြောင်လျှာသီး စျေးနှုန်း အနေဖြင့် တစ်တောင့်လျှင်(၅၀၀-၁၀၀၀)ကျပ် စျေးနှုန်းများဖြင့် အေးမြကြည်လင်စျေးနှင့် မြို့မစျေး တို့တွင် အရောင်းအဝယ်ဖြစ်လျက်ရှိကြောင်း၊ ယခုလို မိုးရာသီတွင် ကြောင်လျှာပွင့်၊ ကြောင်လျှာသီးများ လှိုင်လှိုင်ထွက်ပေါ်နေကြောင်း၊ ဒေသမရွေး ရာသီမရွေး စိုက်ပျိုးနိုင်သောကြောင့် ကြောင်လျှာပင်ကို စိုက်ပျိုးသင့်ပါကြောင်းရေးသားတင်ပြအပ်ပါသည်။
DOCA (မန္တလေး)