ကျောက်ဆည်မြို့၏ အရှေ့ဘက်(၈)မိုင်ခန့်အကွာတွင် စက်မှုနယ်မြေရှိသည့်အနက် ဆင်မင်း ဘိလပ်မြေစက်ရုံ၊ Alpha ဘိလပ်မြေစက်ရုံ နှင့် ကြံ့နှစ်ကောင်ဘိလပ်မြေစက်ရုံများမှ ဘိလပ်မြေများ မြန်မာနိုင်ငံအတွင်း အနယ်နယ်အရပ်ရပ်သို့ ပို့ဆောင်ရောင်းချလျက်ရှိပါသည်။ ၄င်းစက်ရုံများအနက် ကြံ့နှစ်ကောင်ဘိလပ်မြေကို သံတော်မြတ်ကုမ္ပဏီလီမိတက်မှ ထုတ်လုပ်ပြီး အထက်မြန်မာပြည် အနေဖြင့် အားသစ်မာန်ကုမ္ပဏီ၊ အောက်မြန်မာပြည်အနေဖြင့် ရွှေမေတ္တာ(Trading Co; Ltd)တို့မှ တာဝန်ယူဖြန့်ချီပေးလျက်ရှိပါသည်။ ကြံ့နှစ်ကောင် ဘိလပ်မြေစက်ရုံအနေဖြင့် ဘိလပ်မြေအနီနှင့် အစိမ်း(၂)မျိုး ထုတ်လုပ်လျက်ရှိရာ တွဲကားတစ်စီးလျင် ဘိလပ်မြေအိတ်ရေ(၇၂၀)အိတ် တင်ဆောင် နိုင်ပြီး အောက်မြန်မာပြည် ခွဲတမ်းအနေဖြင့် ရွှေပြည်သာ၊လှိုင်သာယာ၊တောင်ဒဂုံ၊မြောက်ဒဂုံစသည့် မြို့နယ်များသို့ ဘိလပ်မြေ တစ်အိတ်လျင် တင်ဆောင်ခ(၃၈၀၀/-)ကျပ် ၊ ပဲခူးမြို့သို့ ဘိလပ်မြေ တစ်အိတ်လျင်တင်ဆောင်ခအနေဖြင့်(၃၅၀၀/-)ကျပ်၊အထက်မြန်မာပြည်ခွဲတမ်းအနေဖြင့်နေပြည်တော်၊တပ်ကုန်း၊ဘောဂသီရိ၊ပုဗ္ဗသီရီမြို့နယ်များသို့ ဘိလပ်မြေ တစ်အိတ်လျင် တင်ဆောင်ခ (၁၂၀၀/-)ကျပ်ဖြင့် ပို့ဆောင်လျက်ရှိပါသည်။ ဘိလပ်မြေသယ်ယူစရိတ်များအနေဖြင့် ယခုအချိန်တွင် သယ်ယူခစျေးနှုန်းများ တည်ငြိမ်လျက်ရှိပြီး မကြာခဏအပြောင်းအလဲရှိကြောင်း သိရှိရပါသည်။
DOCA (မန္တလေး)