ဧရာဝတီတိုင်းဒေသကြီး၊စားသုံးသူရေးရာဦးစီးဌာန၊ မအူပင်ခရိုင်၊ ညောင်တုန်းမြို့နယ်ဦးစီးမှူး ဦးအောင်လွင်နှင့် ဝန်ထမ်းများ၊ မိတ်ဖက်ဌာနများဖြစ်သော ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မွေးမြူရေးနှင့် ကုသရေးဦးစီးဌာန၊ အားကာ/ဦးစီးဌာနတို့နှင့် ပူးပေါင်း၍ (၂၇.၁၀.၂၀၂၂)နေ့ နေ့လယ် (၁၂: ၀၀)နာရီအချိန်တွင် ညောင်တုန်းမြို့ ပေစိကျွန်းကျေးရွာရှိ အ.ထ.က(ခွဲ)ကျောင်းတွင် စားသုံးသူကာကွယ်ရေး အသိပညာပေး ဟောပြောပွဲအပြီး ကျောင်းမုန့်ဈေးတန်းတွင် ရောင်းချနေသောမုန့်များအား ကွင်းဆင်းစစ်ဆေးခဲ့ကြပါ သည်။
ကျောင်းမုန့်ဈေးတန်းတွင် ရောင်းချနေသော မုန့်များတွင် ကုန်အညွှန်းအမှတ်အသား ပါဝင်းခြင်း ရှိ/ မရှိနှင့် သက်ဆိုင်ရာဌာနများမှ ထုတ်ပြန်ထားသည့် စားသုံးရန်မသင့်သောမုန့်များ ရောင်းချခြင်း ရှိ/ မရှိကို စစ်ဆေးခဲ့ကြပါသည်။ ကျောင်းမုန့်ဈေးတန်းရှိ မုန့်ဆိုင်ရှင်များအား ကျန်းမာရေးအထူးဂရုစိုက်၍ ကိုဗစ်စည်ကမ်းများ ကိုလိုက်နာဆောင်ရွက်ပြီး မုန့်များကို ရောင်းချကြရန်၊ စားသုံးသူကာကွယ်ပေးရေး ဥပဒေပါ စီးပွားရေးလုပ်ငန်းရှင်တို့၏ တာဝန်များအကြောင်း၊ ရှင်းလင်းပြောကြားပြီး၊ ဆိုးဆေးမပါဝင် သောမြန်မာမုန့်၊ လက်သုတ်မုန့်များ ရောင်းချရာတွင် ယင်မနားစေရန် အုပ်ဆောင်းများ၊ လက်အိတ်များ အသုံးပြု၍ ကောင်းမွန်သောရောင်းချမှု ကျင့်စဉ်အတိုင်း ရောင်းချရန် ကျောင်းမုန့်ဈေးတန်း စားသုံးသူရေးရာအဖွဲ့နှင့် မုန်ဆိုင် (၇)ဆိုင်မှ ဆိုင်ရှင်များအား အသိပညာပေး စစ်ဆေးခဲ့ကြောင်း သတင်းရရှိပါသည်။
DOCA(မကွေး)