ဧရာဝတီတိုင်းဒေသကြီး၊စားသုံးသူရေးရာဦးစီးဌာန၊ မအူပင်ခရိုင်၊ ညောင်တုန်းမြို့နယ်ဦးစီးမှူး ဦးအောင်လွင်နှင့် ဝန်ထမ်း များ၊ မိတ်ဖက်ဌာနများနှင့်အတူ (၂၇.၁၀.၂၀၂၂)နေ့ နေ့လယ် (၁၅:၀၀)နာရီ အချိန်တွင် ညောင်တုန်းမြို့ ရပ်ကွက်နေပြည်သူ (၈၅) ဦး အား စားသုံးသူကာကွယ်ရေးအသိပညာပေးဟော ပြောခဲ့ကြပါသည်။
အဆိုပါဟောပြောပွဲတွင် စားသုံးသူရေးရာဦးစီးဌာန၊ ညောင်တုန်းမြို့နယ်ဦးစီးမှူးမှ စားသုံးသူကာကွယ်ရေးဥပဒေ(၂၀၁၉)ပါ ဥပဒေအကြောင်းများ၊ စားသုံးသူ၏အခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏ တာဝန်များ၊ စားသုံးသူများကုန်စည်ကို ရွေးချယ်ဝယ်ယူ တက်စေရန် ကုန်အညွှန်း အမှတ်အသားနှင့်စပ်လျဉ်း၍ ဖော်ပြပါရှိသည့် အချက်များကို သေချာကြည့်ရှုမှတ်သား၍ ဝယ်ယူနိုင်ရန်လည်းကောင်း၊ စားသုံးသူကာကွယ်ရေးဥပဒေအရ စားသုံးသူများတို့သည် ကုန်စည်နှင့် ဝန်ဆောင်မှု တွေကို ပြန်လည်ရောင်းချရန်၊ ပြန်လည် ကုန်သွယ်မှုပြုလုပ်ဖို့ရန်အတွက် ဝယ်ယူခြင်းမဟုဘဲ မိမိကိုယ် တိုင်အသုံးပြရန်အတွက် ရည်ရွယ်ပြီးတော့ ဝယ်ယူအသုံးပြုသူတွေကိုဆိုလိုပြီး၊ စားသုံးသူတွေ အခွင့်အရေး အပြည့်အဝရရှိစေရန်၊ အသိပညာပေးလုပ်ငန်းများကို ကျယ်ကျယ်ပြန့်ပြန့် ဆောင်ရွက်ပြီး တိကျရှင်းလင်းမှန်ကန်သော သတင်းအချက်အလက်များကို ဖြန့်ဝေအသိပေးပြီး အာမခံရှိပြီး အရည် အသွေးမြင့်တဲ့ ကုန်စည်ဝန်ဆောင်မှုတွေကို သိရှိနားလည် အသုံးပြုနိုင်စေရန်၊ စီးပွားရေးလုပ်ငန်းရှင်တွေဘက်ကလည်း ဥပဒေနှင့်အညီ ဆောင်ရွက်နိုင်စေရန် နစ်နာဆုံးရှုံးမှုများကို စားသုံးသူဘက်မှ အပြည့်အဝမှန်ကန်းသော လမ်းစဉ်ဖြင့်ကာကွယ်ပေးရန် အန္တရာယ်ဖြစ်စေသေသာ ကုန်စည်/ ဝန်ဆောင် မှုတွေနှင့် စပ်လျဉ်းပြီးတော့မှ အရေးယူဆောင်ရွက်ပေးနိုင်ရန် စားသုံးသူရေးရာဦးစီးဌာနသို့လည်း လူကိုယ်တိုင်သော်လည်းကောင်း၊ လူထုဆက်သွယ်ရေး နည်းလမ်းတစ်ခုခုဖြင့်သော်လည်းကောင်း၊ သက်သေခံအထောက်အထားနှင့်အတူ တိုင်ကြားနိုင်ကြောင်း အသိပညာပေး ဟောပြောဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)