စားသုံးသူရေးရာဦးစီးဌာန၊ နေပြည်တော်ဦးစီးမှူးရုံးမှ ဝန်ထမ်းများနှင့် နေပြည်တော်ဆီ ကုန်သည်နှင့် ဆီလုပ်ငန်းရှင်များအသင်းတို့ ပူးပေါင်း၍ နေပြည်တော်အတွင်းရှိ မြို့နယ်များသို့ ဈေးကားများဖြင့် စားအုန်းဆီများကို လှည့်လည်ရောင်းချပေးလျက်ရှိရာ (၂၇-၁၀-၂၀၂၂)ရက်နေ့တွင် ဆီလုပ်ငန်းရှင်(၅)ဦးမှ လယ်ဝေးမြို့နယ်ရှိ ကျေးရွာ(၁၀)ရွာသို့ ဆီပိဿာချိန် (၂၂၀၀)ကိုလည်းကောင်း၊ (၂၈-၁၀-၂၀၂၂)ရက်နေ့တွင် ဆီလုပ်ငန်းရှင်(၆) ဦးမှ ဥတ္တရသီရိမြို့နယ်၊ ဒက္ခိဏသီရိမြို့နယ်နှင့် တပ်ကုန်း မြို့နယ်များရှိ ကျေးရွာများနှင့် တပ်ရင်း/တပ်ဖွဲ့များအား ဆီပိဿာချိန် (၂၆၄၀)ကိုလည်းကောင်း၊ (၂၉-၁၀-၂၀၂၂)ရက်နေ့တွင် ဆီလုပ်ငန်းရှင်(၈)ဦးမှ လယ်ဝေးမြို့နယ်နှင့် တပ်ကုန်းမြို့နယ်များရှိ ရပ်ကွက်/ ကျေးရွာများသို့ ဆီပိဿာချိန်(၅၂၈၀)ကိုလည်းကောင်း ရောင်းချပေးလျှက်ရှိပါသည်။
ဆက်လက်၍ (၃၁-၁၀-၂၀၂၂)ရက်နေ့တွင် ဆီလုပ်ငန်းရှင်(၁)ဦးမှ တပ်ကုန်းမြို့နယ်ရှိ EPC ဝန်ထမ်း၊ ဆည်မြောင်းဝန်ထမ်း၊ စိုက်ပျိုးရေးသုတေသန၊ ကျေးလက်ဖွံ့ဖြိုးရေးဦးစီးဌာန၊ ဘိုးဘွားရိပ်သာ၊ ထွေ/အုပ်ရုံးဝန်ထမ်းများနှင့် လုံခြုံရေးဝန်ထမ်းများသို့ ဆီပိဿာချိန်(၄၄၀)အား တစ်ပိဿာလျှင် (၄၄၀၀) ကျပ်နှုန်းဖြင့် ရောင်းချပေးခဲ့ပြီး (၁-၁၁-၂၀၂၂)ရက်နေ့တွင် ဆီလုပ်ငန်းရှင်(၃)ဦးမှ ဒက္ခိဏသီရိ မြို့နယ်နှင့် လယ်ဝေးမြို့နယ်များရှိ ရပ်ကွက်/ကျေးရွာများသို့ ဆီပိဿာချိန်(၁၆၅၀)အား တစ်ပိဿာလျှင် (၄၅၀၀) ကျပ်နှုန်းဖြင့် လက်ဝယ်အရောက် ရောင်းချပေးခဲ့ကြောင်း သတင်း ရရှိပါသည်။
DOCA(ပြည်ထောင်စုနယ်မြေ)